सुकुम्बासी जूगु सिफारीसया नितिं सुनसरीया घुस्कीइ तालं ग्वल

येँ (झीगु स्वनिगः)

गाविसया छ्याञ्जे व दलया प्रतिनिधितय्सं न्यासः तका धेबानिसें झिंन्यासः तकातक्क कायेगु निर्णय याःगु विरोधय् स्थानीय सुकुम्बासीतय्सं गाविसया ज्याकुथिइ अनिश्चतकालीनरुपं तालं ग्वया ब्यूगु दु । गाविसं छगूतर्फि सुकुम्बासीतय्त समस्या जुइकथं याःगु निर्णय विरुद्ध स्थानीय सुकुम्बासीतय्सं गाविसया ज्याकुथिइ तालाबन्दी याःगु खः । सुकुम्बासीतय्सं उगु निर्णय तत्काल लित कयाः निःशुल्क सिफारीसया व्यवस्था मिलय् यायेत माग यासें गाविसया ज्याकुथिइ तालाबन्दी याःगु सुकुम्बासी संघर्ष समिति घुस्कीया संयोजक अक्रम अल्लिं जानकारी नापं बियादीगु दु । निर्णय लित मकाःसा थप कडा संघर्षया ज्याड्ढवः यायेगु सुकुम्बासीतय्सं जानकारी ब्यूगु दु । बर्दियाय् काङ्ग्रेस नेताया हत्या निम्हसित ज्वंगु बर्दियाया सानोश्रीइ नेपाली काङ्ग्रेस बर्दिया क्षेत्र नम्बर ३ या दाँभरि दलबहादुर गुरुङया हत्या जूगु खः । म्हिगः वंगु बहनी झिंनिताः इलय् खुकुरीं पालाः गुरुङया हत्या याःगु खः ।

मेवालाल गौतम व आनन्द विश्वकर्मालिसे मोटरसाइकल गयाः थःगु छेँय् लिहाँ वनाच्वंम्ह गुरुङयात ताराताल गाविस - ५ या नीदँया धीरज चौधरी व झिंन्हय्दँया विजय विकं गुराँस मावि लिक्क खुकुरीं पाःगु प्रहरीं जानकारी ब्यूगु दु । ज्वंपिंत सानोश्री प्रहरी चौकीइ तयातःगु दु । थ्वहे दथुइ ज्वंपिंत गामय् च्वंपिंत जिम्मा बिइत माग यासें स्थानीयबासीं सानोश्री प्रहरी चौकी घेरय् यानाः अप्पां कयेकूगु खः । स्थिति नियन्त्रणय् कायेत प्रहरीं निगू सेल अश्रुग्याँस नापं कयेकूगु खः । स्थानीयबासीं हत्याया विरोधय् स्थानीय कुसम बजाः बन्द याकूगु दु ।