लडाकु विस्तारित बैठकय् वनेमज्यूगु सरकारया धापू ब्वति कायेगु माओवादीया धापू

येँ (झीगु स्वनिगः)

एकीकृत नेकपा माओवादीया छ्यााजे सीपी गजुरेलं पार्टीया गोरखाय् जुइगु विस्तारित बैठकय् पिने हुइनाभुइना जूथें छगू हे जक प्रतिवेदन न्ह्यःब्वये हे मफइगु दाबी यानादिल । वय्कलं नायः व निम्ह न्वकुया ब्यागलं ब्यागलं प्रतिवेदन फुक्क न्ह्यब्वइगु व उकिइ सहलह जुइगु स्पष्ट यानादिल ।
रिपोर्टस्र क्लबं म्हिगः येँ याःगु छगू साक्षात्कारय् गजुरेलं छगू हे जक प्रतिवेदन न्ह्यब्वयेगु कथं नायःपाखें प्रतिवेदन च्वयाच्वंगु धइगु नुगः खँय् नायोनं च्वःगु विषय सुझाव जुइफइगु तर समायोजित प्रतिवेदन जुइमफइगु धयादिल । पिने हुइनाभुइना वःथेंज्याःगु भारतयात थःगु पार्टीं प्रधान दुश्मन मधाःगु दाबी यानादिसें भारत व नेपाःया सामन्ती बर्ग मिलय् जुयाः प्रतिक्रान्ति यायेफइगु अवस्थाय् प्रधान सत्रु तायेकेमाःगु प्रस्ताव धाःसा प्रतिवेदनय् दुगु स्पष्ट यानादिल । गजुरेलं नेपाली कांग्रेसया प्रधानमन्त्री उम्मेदवार रामचन्द्र पौडेलं बहुमत प्राप्त यायेपुूसा थःिपंत स्वीकार्य जुइगु नापं धयादीगु दु ।

अथेहे सेना समायोजन विशेष समितिया दुजः नापं जुयाच्वनादीम्ह संविधानसभा राज्यपुर्नसंरचना संघीय मामिला लिसे संस्कृतिमन्त्री मिनेन्द्र रिजालं शिविरय् दुिपं लडाकुतय्सं गोरखाय् जुइगु एकीकृत नेकपा माओवादीया विस्तारित बैठकय् ब्वति काःसा व शान्ति सम्झौता विपरित जुइगु दाबी यानादीगु दु । रिपोर्टस्र क्लबं म्हिगः येँ याःगु छगू साक्षात्कारय् मन्त्री रिजालं लडाकुतय्त पार्टीया बैठकय् ब्वति कायेकेगु खं माओवादी शान्ति प्रकि्रयाप्रति प्रतिबद्ध मदइगु दाबी यानादिल । वय्कलं माओवादीं हे लडाकुतय्त विशेष समितिया मातहतय् हयेगु सहमति याःगुिलं आः हाकनं पार्टीया ज्याड्ढवलय् यंकेगु धायेमज्यूगु दाबी यानादिल । वय्कलं विस्तारित बैठकय् न्ह्यब्वइगु स्वंगू प्रतिवेदनय् युद्ध दिकेगु भुल जूगु न्ह्यथनातःगु धयादिसें माओवादी शान्तिया पक्षय् मदुगु छु नं छुं त्वहलय् हाकनं युद्धपाखें सत्ता कब्जा यायेगु कुित्सत मनसाय दुगुिलं उिपंप्रति अविश्वास अप्वःगु दाबी यानादिल । नेकपा एमालेया छ्यााजे युवराज ज्ञवालीं एमालेया अडान सहमति जक जूगुिलं राष्टिरय सहमतिया निितं एमालें प्रधानमन्त्री दाबी यायेगु नं त्वःतेगु स्पष्ट यानादिल । वय्कलं प्रधानमन्त्रीया अडानपाखें फुक्क राजनीतिक दल लिच्यूसा सहमति पिहाँवइगु धयादिसें प्रधानमन्त्रीया दाबी हे गतिरोधया कारण दुगु धयादिल ।

नेकपा मालेया मू छ्यााजे सीपी मैनालीं प्रधानमन्त्री निर्वाचनया स्वरुप हिलाः फुक्कसिनं पक्ष विपक्षय् मतदान याःसा निकास पिहाँवइगु दाबी यानादिल ।