हि सकिया भाः थहांवन

येँ (झीगु स्वनिगः)

हरिबोधनी एकादशि न्ह्यःने वयेवं हे बजारय् थौंकन्हय् हि सकि थेंज्याःगु कन्दमुलया माग अप्वःगु व्यपारीतय्सं धाःगु दु । हिन्दु धर्मालम्बीतय्सं थुगु एकादशिया िदं खुन्हु व्रत्त च्वनाः फलहारया रुपं उगु कन्दमुलयात उपभोग याइगु जूगुिलं उकिया माग थहांवंगु खः । चितवन जिल्लाय् स्थायी छेँय् दुम्ह निदँनिसें कुलेश्वरय् तरकारी पसः न्ह्याकाः वयाच्वयादीम्ह पवित्रा बिष्टं थौंकन्हय् करिब ६५ किलो हि सकि ४२ किलो छसिकथं न्यय्तका व स्वीतकानिसें स्वीन्यातकां तक मियाः च्वनागु जानकारी बियादीगु दु । अथेहे कालीमातिस्थित सुपथ कथं कयातःगु तरकारी बजारय् थौंकन्हय् हि प्रतिकिलो पीतका व सकि प्रतिकिलो नीन्यातका धेबां मियाः वयाच्वंगु दु । इन्द्रचोकस्थित फुटपाथया तरकारी पसलय् नं छुं व्यापारीतय्सं भाग तयाः उगु हि सकि मियाः वयाच्वंगु दु । कालीमाति फलफूल लिसे तरकारी व्यवसायी महासङ्घया नायः भरत खतिवडां उगु हि सकि आपालं धइथे धादिङ नुवाकोट पाँचखालपाखें वयेगु यानाच्वंगुलिइ थुगुसी उगु थाय्पाखें इलय् स्वनिगलय् दुहां वयेमफुगुिलं छुं भचा अभाव जूगुिलं मूल्यवृद्धि जूगु धयादिल ।

वय्कलं वंगु दँ करिब न्हय्गू ट्रक हि सकि व छुं तरुल नं वःगुलिइ थौंकन्हय् बजारय् स्वंगू ट्रक हि सकि वःगु व उकिइ नं तरुल मवःगु जानकारी बियादिल ।

More Stories Like this