आर्थिक अभावं परम्परा कःघाये थाकु

यल (झीगु स्वनिगः)

आर्थिक अभावया कारण देय्या दकले तःधंगु साँस्कृतिक पर्व कार्तिक प्याखँया परम्परा कःघायेत थाकूगु दु । तीनसय ७० दँ पुलांगु यलया तसकं नांजाःगु थुगु प्याखँया परम्परा धानय् यायेत आर्थिक रुपं जक मजुसे न्हूगु पुस्तायात जिम्मेवारी लःल्हायेत नापं उलि हे हाथ्यां जायाः वयाच्वंगु दु । हरेक दच्छिइ छक्वः अर्थात् स्वन्तिया षष्ठिनिसें न्ह्यानाः च्यान्हुतक्क नियमित न्ह्याइगु उगु प्याखँया निितं कलाकारया तालिमनिसें फुक्क भौतिक तयारी पूरा यायेत आर्थिक समस्या दुगु कार्तिक नाच प्रबन्ध समितिया संयोजक हरिमान श्रेष्ठं धयादिल । न्हूगु पुस्तां जिम्मेवारी कयाः यायेगु तत्परता क्यनाच्वंगु मदु उमित हयेत समस्या जुयाः वयाच्वंगु दु । कार्तिक प्याखनय् स्वीन्यादँ कृष्णया भूमिकाय् प्याखँ ल्हुयादीम्ह हरिमान श्रेष्ठं जानकारी बियादिल । प्याखँया निितं नं सरोकारवाला निकायपाखें पर्याप्त ग्वाहालि हे दइ न त गनं प्रोत्साहन दइ कलाकारतय्त तालिम बिइमाः गनंपाखें आम्दानी मदु मनया भावं जक संस्कृति ल्यंकाः तयातःगु दु - स्थानीय समाजसेवी गोपालमान श्रेष्ठं नुगः खँ प्वंकादिल । वय्कःयाकथं कलाकार तयार यायेत व प्याखँया निितं माःगु वस्त्र स्वयम् कलाकारं व्यवस्था यायेमाःगु बाध्यता दु ।

थुगु परम्परागत कार्तिक प्याखँयात निरन्तरता बिइत ट्रस्टमार्फत् यंकेत राज्यं गम्भीरता क्यनेमाःगु श्रेष्ठया धापू दु । प्याखँ क्यनेधुंकाः कलाकारतय्त भ्वय् नकेत व पारिश्रमिक बिइत नापनापं प्याखँया निितं माःगु भौतिक पूर्वाधारया मर्मत सम्भार यायेत जक करिब तीन लाख तका तुइगु यानाच्वंगु दु गुगु समाजसेवीपाखें प्राप्त जुइगु यानाच्वंगु समिितं जानकारी ब्यूगु दु । समितियाकथं कार्तिक प्याखँया निितं वंगु दँ सम्बन्धित मन्त्रालयपाखें ६४ द्वः तका धेबा यल उप महानगरपालिकापाखें न्यय्द्वः तका यल उद्योग वाणिज्य सङ्घपाखें पाँच हजार व नेपाल इन्भेस्टमेन्ट बैंकपाखें पाँच हजार तका दुगुलिइ थुगुसी धाःसा उगु निकासा जुइपुूगु मदुिन । लिपांगु इलय् देशय् अप्वयाः वनाच्वंगु महङ्गीं बजाःभाः थहांवनाः आर्थिक भार थप जुयाः प्याखँ न्ह्याकेत थाकूगु समितिया धापू दु । च्यान्हुतक्क न्ह्याइगु उगु कात्ति प्याखनय् कलाकार वाद्यवादक व ज्याकःमििपं नापं यानाः ७० म्ह स्वया आपालं मनूतय्गु ब्वति दइ । हजारौं स्वदेशी लिसे विदेशी दर्शकं प्याखँ स्वयेगु यानाच्वंगु दु ।

मंगः बजाःया कार्तिक दबुलिइ क्यनीगु प्याखनय् हरेक िदं ब्यागलं ब्यागलं युद्धकला देवी प्याखँ जलसयदा बराह अवतार नृिसंह अवतार लगायतया प्याखँ प्रदर्शन याइ । कार्तिक प्याखँया संस्थागत रुपं यलया मध्यकालीन मल्ल जुजु सिद्धिनरिसंह मल्लं राष्ट्र व जनताया कल्याणया निितं वि. सं. १६९७ सालय् श्रीकृष्णलीलाया आधारित कार्तिक प्याखँ पलिस्था याःगु खः । वय्कलं न्ह्याकूगु श्रीबराह व श्रीनरिसंह लीलाया लिसलिसे मेमेगु प्याखँत दुथ्याका प्रत्येक दँ कार्तिक महिनाय् यल दरबार परिसरया कार्तिक दबुलिइ प्रदर्शन यायेगु याइ । बहुसाँस्कृतिक परम्परा क्वबुयाः च्वंगु साँस्कृतिक प्याखँया संरक्षण व प्रबद्र्धन यानाः देय्या राष्ट्रिय परम्परागत संस्कृतियात ल्यंकेगु राज्यया दायित्व नं खः ।

More Stories Like this