अमेरिकाय् च्वंपिं नेवाःतय्गु म्हपुजा
येँ (झीगु स्वनिगः)
अमेरिकाय् च्वंपिं नेवाःतय्सं मंकाः म्हपुजा यानाः स्वन्ति नखः हंगु दु । नेवाः अर्गनाइजेशन अफ अमेरिकाया ल्वांग्वेज सेन्टरया ग्वसालय् जूगु उगु म्हपुजाय् नेवाः व गैर नेवाःत यानाः ११५ मनूतय्सं मंकाः म्हपुजा याःगु खः । उगु म्हपुजाय् नेपाःया राजदूत डा. शंकरप्रसाद शर्मा व वयकःया मय्जु सचिवपिं आनन्दप्रसाद शर्मा व गौरिशंकर रेग्मीपिं थः कलाःपिं नापं ब्वतिकयादीगु खः । ल्वांग्वेज सेन्टरया नायः इश्वरराज भण्डारीं म्हपुजाया वारे व पुजारी वासव राजोपाध्यायं म्हपुजाया विधिया वारे कनादीगु खः । ज्याझ्वः राजेश श्रेष्ठया भर्जिनिया स्थित उड्वि्रजया छेँय् जूगु खः । थ्व नापं यानाः उगु सेन्टरं म्हपुजा यानावःगु न्यादँ दुगु खः ।
