पुस ६ गते ज्यापु दिवस

येँ (झीगु स्वनिगः)

ज्यापु संस्कृति व परम्परायात जीवन्त यानातय्त ज्यापु संस्कृति विकास कोषं देय्न्यंकया थीथी ज्याझ्वःया ग्वसाः ग्वयाः ज्यापु दिवस हनीगु जूगु दु । थ्व दँया राष्ट्रिय ज्यापु दिवस झः झः धायेक क्वचायेकेगु निितं यट्खा त्वाःया नायः रामकृष्ण महर्जनया नायःसुइ न्याम्ह दुजः दुगु मूल समिति व िझंस्वम्ह दुजः दुगु व्यवस्थापन समिति नीस्वंगु कोषं जानकारी ब्यूगु दु । योमरी पुन्हि अर्थात वइगु पुस ६ गते येँय् छगू तःजिगु विशाल सभाया ग्वसाः ग्वयाः ज्यापु दिवस हनीगु नं कोषं जानकारी ब्यूगु दु । सरकारं २०६५ सालनिसें ज्यापु समुदायया मौलिक नखः योमरी पुन्हियात राष्ट्रिय दिवसया रुपं मान्यता बियाः सार्वजनिक बिदा बियाः वयाच्वंगु दु । कोषं हिदान लगायत थीथी सामाजिक ज्याझ्वःया ग्वसाः ग्वयेगुया लिसलिसे पर्यटन दँयात ताःलाकेत सरकारी लिसलिसे गैरसरकारी निकायतलिसे समन्वय कायम यानाः थीथी ज्याझ्वः नापं ग्वसाः ग्वयेगु जानकारी ब्यूगु दु ।