पुलांम्ह जुजुया भारत भ्रमण छाय्

पुलांम्ह जुजु ज्ञानेन्द्रं वंगु सोमवाः निसें छवाःया भारत भ्रमणय् वंगु दु । भारत भ्रमणया कारण निजी धयातःसां भारतया सत्ताय् च्वनाच्वंिपं नाप नापलायेगु ज्यायात निजी धायेफै मखु । ज्ञानेन्द्रया भ्रमणयात औपचारिक रुपं बती नेपाःया निितं भारतया राजदूत राकेश सुदं प्रधानमन्त्री डा।मनमोहन िसंह कांग्रेस आईया निकं सोनिया गान्धी लगायत विशिष्ट व्यक्तििपंत नापलाकेगु व्यवस्था यानावःगु खः । ज्ञानेन्द्रया थुगु भ्रमणं सुनां न्ह्याक्को हे सामान्यरुपं काःसां यथार्थय् थुगु भ्रमणप्रति नेपाली जनतां तःधंगु शंका यायेगु याः । आखिर छुं नं पदय् मदुम्ह पुलांम्ह जुजुयात भारतया प्रधानमन्त्रीं छाय् नापलायेमाःगु कांग्रेस आईया निकं सोनिया गान्धीं छाय् नाप लायेमाःगु थ्व जुजु ज्ञानेन्द्रं थःगु निजी भ्रमण धाःसां थुगुरुपं नेपाःस्थित भारतीय राजदूत सुद भारतय् वनाः जुजुयात सुसु नापलायेगु गबले गन नापलाकेगु धकाः मिलय् यायेगु ज्या यानाः हालैतिनि सुद नं नेपाः लिहां वःगु खः ।
थुगुकथं छम्ह सामान्य नागरिकय् रुपान्तरण जुइधुंकूम्ह व्यक्तियात भारत छाय् थपाय्सं कुटनीतिक मर्यादायात वास्ता हे मयासे पुलांम्ह जुजुयात विशेष ई बियाः नाप लायेत्यन थुकी नं भारतया िभंगु व बांलाःगु नियत सुलाच्वंगु मदु धयागु खँय् धाःसा सुयां विवाद दैमखु । थौंकन्हय् नेपालय् वःगु व वयाच्वंगु हिउपालं भारतया कपाः स्यानाच्वंगु दु । नेपाःयात संसदीय राजनीतिक पार्टीतय्त कतांमरि यानाःथःयत्थे प्याखं ल्हुइकेत ताःलाःम्ह भारतं केवल एकीकृत नेकपा माओवादीया कारणं न बजि न्ह्ययेमालाच्वंगु दु । नेपाःयात निगूगु सिक्किम वा भुटान दयेकेत स्वयाच्वंम्ह भारतं माओवादीया कारणं थःयत्थे याये मफयाच्वंगु दु । टेप प्रकरणं निसें हालैया तालिम व स्वापू प्रकरणं नं खास प्रभाव त्वःते मफयेवं भारत माओवादीप्रति अझ कडारुपं प्रस्तुत जुइत स्वयाच्वंगु दु । राष्ट्रिय स्वतन्त्रता व मातृभूमिया निितं न्ह्यात्थेज्याःगु बलिदान बीत नं लिफः मस्वइगु नेपाःया छगू जक पार्टी माओवादीयात न्ह्यात्थेज्याःगु षड्यन्त्र व काण्डया जाः ग्वयां नं उखेथुखे यायेमफयेवं भारत नं तिनछक्क जुयाच्वंगु दु । भारतया नाङ्गो हस्तक्षेपपूर्ण व्यवहार व विहारी दादागिरीं माओवादीया तुति तक्क संकेगु ला खँहे छख्य विश्वय् हे भारतया बदनाम जुयाच्वंगु दु । थुगु पृष्ठ भूमिइ भारतं पुलांम्ह जुजुयात निमन्त्रणा बियाः थःगु नेपाः प्रतिया कुटनीति असफलतायात प्रमाणित याःगु दु । राजनीतिक विश्लेषकतय्गु धापू दु । वइगु असफल कुटनीितं आः नेपालय् ताःतक्क हाकाये मफैगु नं उलि हे सत्य खः ।

पुलांम्ह जुजुं भारतया प्रधानमन्त्री वा सोनिया व मेिपं सुं नं राजनेता नापलानाः थःगु असन्तोष लिसे देशय् वयाच्वंगु अस्तव्यस्ततायात न्ह्यःने तयाः थुकिया निितं थःयात हानं पुलांगु हे मानसम्मान दयेमाःगु खँय् बहः बीगु हे जुइ । भारतं नं वइगु खँय् सहानुभूतिया नापनापं छुं मखु छुं आश्वासन बीगु हे जुइमाः । तर गणतन्त्रया विरुद्ध भारतं छुं नं कथं षड्यन्त्रया जाः ग्वयेगु ज्यायात धाःसा थ्व नेपाः व नेपाली जनताया विरुद्ध जुइधयागु छगू पार्टी वा छगू समूहया विरुद्ध मखु थ्व खँ भारतया सत्ताधारीतय्सं बांलाक्क थुइकेमाः ।

More Stories Like this