नेटोया न्याम्ह दुजः अफगानिस्तानय् स्यात

अफगानिस्तान (एपी)

पूर्वी अफगानिस्तानय् आतङ्ककारीं छगू शक्तिशाली बम विस्फोटन यानाः आक्रमण याःबलय् नेटोया न्याम्ह दुजः व स्वम्ह अफगान प्रहरीलिसे िझंछम्ह मनूत सीगु दु । थ्वहे दथुइ निदँ न्ह्यः पाकिस्तानया पेशावर शहरय् बन्दुकधारीतय्सं थःगु कब्जाय् काःगु पाकिस्तानया निितं मनोनित पूर्व राजदूतयात मुक्त याःगु खँ अफगान राष्ट्रपति ज्याकुिथं जानकारी ब्यूगु दु । मुक्त जुइवं हे वय्कः सुरक्षितरुपं छेँय् लिहाँ वःगु खः । अब्दुल खालिक फाराही थःगु छेँ काबुल लिहाँवनेवं राष्ट्रपति हमिद कारजाईलिसे नापलानाः दीगु खः । फाराहीयात गुकथं त्वःतल उगु विषयसं विस्तृत विवरण धाःसा ब्यूगु मदुिन । फाराहीयात सन् २००८ सेप्टेम्बर २२ या िदं पेशावरय् बन्दुकधारीतय्सं गाडी दिकाः वय्कःया ड्राइभरया हत्या यानाः वय्कःयात अपहरण याःगु खः ।

अब्दुल खालिक फाराहीया स्वास्थ्य स्थिति बांलाःगु व थौंकन्हय् वय्कः थः छेँजःिपंलिसे काबुलय् दुगु खँ नं राष्ट्रपति ज्याकुिथं जानकारी ब्यूगु दु । थ्वहे दथुइ नेटों थःपिनि स्वम्ह दुजः पूर्वी अफगानिस्तानय् विद्रोहीया आक्रमणय् सीगु व मेमेिपं निम्ह दुजः दक्षिणी अफगानिस्तानया विस्फोटनय् सीगु थःगु वक्तव्यय् न्ह्यथंगु दु । नेटो सीगु सैनिकया विस्तृत विवरण व राष्ट्रियता प्रस्ट याःगु मदुिन । अफगानिस्तान थुगु महिनाय् जक युद्धरत नेटो व अमेरिकी मिलिजुली सैनिक स्वीछम्ह सीधुंकूगु दु । विद्रोहीतय्सं स्वम्ह अफगान प्रहरी व मेमेिपं स्वम्ह नागरिकया नं हत्या याःगु दु ।

More Stories Like this