एसियाडया एथ्लेटिक्स कासामि चीन झाल

चीन (झीगु स्वनिगः)

चीनय् न्ह्यानाच्वंगु १६ औं एशियाली खेलकुद महोत्सव एसियाड य् ब्वति काईपं एथ्लेटिक्स कासामििपं सोमबाः उखेपाखे झायादीगु दु । एसियाड अन्तर्गतया एथ्लेटिक्सय् च्याम्ह नेपाःमि कासामििपंसं थीथी बिधाय् धेंधेंबल्लाः कासा म्हितादी । वंगु शुक्रबाः निसें न्ह्याःगु थुगु धेंधेंबल्लाः कासाय् नेपालं बांलाःगु लिच्वः हयेफयाच्वंगु मदुिन । एथ्लेटिक्स कासाय् पदकया आश यानातःम्ह कासामि राजेन्द्र भण्डारी धाःसा मंगलबाः अर्थात थौं चीन झायादी । चीन झायेन्ह्यः खँल्हानादिसें एथ्लेटिक्स कासामि धीरेन्द्र चौधरीं एसियाडय् पदक त्याकेगु स्वयाः नं बांलाःगु कासा प्रदर्शन यानाः राष्ट्रिय रेकर्ड त्वाःथलेगु उद्देश्य कयाःगु धयादिल । वय्कलं ४२ राष्ट्रया कासामििपंलिसेया धेंधेंबल्लाः कासा सहज मजुइगु धयादिसें थःगु लक्ष्य न्हापा स्वयाः बांलाक्क प्रदर्शन यायेगु धयादिल । ११ औं सागय् कीर्तिमान कायम यासें स्वर्ण पदक त्याकेत ताःलाःम्ह राजेन्द्र भण्डारीं धाःसा न्हापांगु पदक एशियाली स्तरय् स्वर्ण पदक त्याकेगु लक्ष काःगु दु । एथ्लेटिक्सया कासामििपंनिगु कासा २१ तारीखनिसें न्ह्याइ ।

More Stories Like this