एशियाड खेलकुद धेंधेंबल्लाः प्यन्हुया दिं भारत्तोलक कमलं कायम यात निगू राष्ट्रिय कीर्तिमान

ग्वान्जाउ चीन (झीगु स्वनिगः)

चीनया ग्वान्झाउसं न्ह्यानाच्वंगु १६ औं एशियाली खेलकुद एसियाड य् भारोत्तोलनया कमल बहादुर अधिकारीं निगू राष्ट्रिय कीर्तिमान कायम याःगु दु । ग्वान्डुन जिम्नेजियमय् सोमबाः जूगु ६९ केजी तौल समूहलय् नेपाली सेनाया कमल बहादुरं स्न्याच व कूल तौल समूहलय् राष्ट्रिय कीर्तिमान दयेकूगु खः । गुला न्ह्यः बंगलादेशया राजधानी ढाकाय् क्वचाःगु एघारौं दक्षिण एशियाली खेलकुद धेंधेंबल्लाः कासा साग य् थःगु हे गलत निर्णयया कारण स्वम्ह कासामिपिं पदक विहीन जूम्ह कमलं सोमबाः धाःसा थःत ताःलाक्क प्रमाणित याःगु दु । कमलं कूल दुई सय ७० किलोया भार ल्ह्वंसें च्यागू देय्या कासामििपं दुथ्याःगु तौल समूहलय् खुगूगु थासय् च्वनेत ताःलाःगु दु । वय्कलं स्न्याचय् एक सय १८ व क्लिन एण्ड जर्कय् एक सय ५२ केजी ल्ह्वंगु खः । उगु धेंधेंबल्लाः कासाय् स्वर्ण त्याकूम्ह म्यानमारया विइ नमोइं कूल तीन सय केजी तौल ल्ह्वंगु खः ।

कमलं न्हापांगु कुतलय् एक सय १५ केजी तौल ल्ह्वंगु खः । अथेहे एक सय ४५ केजीपाखें क्लिन एण्ड जर्कय् भार ल्ह्वंम्ह कमलं निक्वःगु खुसिइ एक सय ५२ केजी ल्ह्वंगु खः । अनंलिपा एक सय ५५ केजी तौल ल्ह्वनेगु वय्कःया कुतः सिितं वंगु खः ।
ढाका सागय् कमलं स्न्याचपाखे एक सय १७ केजी ल्ह्वना कीर्तिमान कायम याःगु खः । ढाका स्वयाः आः कमलं थप एक केजी ल्ह्वंगु खः ।
अथेहे सन् २००० सं चीनया हे बेइजिडय् क्वचाःगु ओलम्पिकय् कूल दुई सय ६८ केजी ल्ह्वना थःम्हं हे दयेकूगु कीर्तिमानय् वय्कलं दुई किलो थप याःगु खः ।

कमलं श्रीलंकाया कोलम्बोय् जूगु दशौं सागय् स्वर्ण पदक त्याकूगु खः । वय्कः सागय् भारोत्तलनय् स्वर्ण त्याकूम्ह याकः नेपाःमि कासामि नापं खः।
कीर्तिमान कायम यायेधुंकाः कमलं खराब प्रदर्शनय् सुधार हयेपुूगुिलं लय्ताःगु वय्कलं धयादिल ।

More Stories Like this