मिसा पक्षीय कानून व कार्यान्वयन

येँ (झीगु स्वनिगः)

अखिल नेपाल महिला संघ क्रान्तिकारीं म्हिगः मिसा पक्षीय कानून व कार्यान्वयन विषयसं सहलह ज्याझ्वः याःगु दु । ज्याझ्वलय् मूपाहाँ एनेकपामाओवादीया पि.वी.एम. लिलामणि पोख्रेलं राज्यया नीति दयेकेगु व उकिया कार्यान्वयनया मू थासय् मिसापिनिगु प्रतिनिधित्व यायेमाःगुलिइ बहः बियादिल । अथे मजुइगु खःसा नीति दयेकूसां नं भ्वँतय् जक सीमित जुइगु धयादिल । उगु ज्याझ्वलय् अधिवक्ता रमण श्रेष्ठं मिसा पक्षीय कानून व कार्यान्वयन विषयसं कार्यपत्र न्ह्यःब्वयादीगु खः । विस्तृत शान्ति सम्झौताय् मिसातय्गु हक अधिकार फुक्क लागाय् जुइमाःगु प्रतिनिधित्व नागरिकता लगायतया विषय व उकिया कार्यान्वयन विषयसं सहलह जूगु खः । ज्याझ्वलय् पाहाँकथं माओवादीया केन्द्रीय दुजः शशी श्रेष्ठ लगायतिपंस ब्वति कयादीगु खः । मिसातय्गु छगू जक क्याम्पस पद्मकन्या क्याम्पसया हलय् जूगु उगु ज्याझ्वः क्रान्तिकारीया संयोजक जयपुरी घर्तीया नायःसुइ जूगु खः ।