न्ह्यःने लाःथे नवाये मते

कतांमरि सरकारया कामचलाउ मन्त्रीमण्डलया दुजः रक्षामन्त्री विद्यादेवी भण्डारीं न्ह्यःने लाःथे नवायेगु यानावयाच्वंगु दु । हालै रक्षामन्त्रालयय् थः पक्षयािपं छपुचः पत्रकारत सःताः रक्षामन्त्री भण्डारीं नेपाली माओवादीं भारतीय माओवादीतय्त सैनिक तालिम बियावयाच्वंगु मदु धकाः धायेफैमखु धकाः गुगुकथंया गैरजिम्मेवार ढंगं म्वाःमदुगु द्वपं बीगु ज्या जुल थुिकं भारतया हस्तक्षेपकारी ज्याखँयात तःधंगु तिबः बीगु ज्या यानाः रक्षामन्त्री भण्डारीं राष्ट्रघाटी ज्या याःगु दु । वंगु टेप प्रकरण थें विस्तारवादी भारतं थःगु प्रभुत्व अप्वयेकाः भारतीय सुरक्षा फौज नेपाःदुने हयाः निगूगु भुटान वा सिक्किम दयेकेगु स्वयाच्वंम्ह भारतया हस्तक्षेपयात अज्ज अप्वयेकाः नेपाःयात अफगानिस्तान दयेकेत ग्वाहालि यायेत स्वयाच्वंगु दु ।
भारतीय माओवादीयात नेपाली माओवादीं सैनिक तालिम बिल धकाः धयावयाच्वंम्ह भारतं बिना प्रमाण व विना आधारं थुगु द्वपं ब्यूगु खः । भारतीय सरकारं दूतावासमार्फत वंगु वाः उगु खँ च्वयाः पत्र नेपाल सरकारयात लःल्हाःगु खः । भारतीय माओवादीतय्त सैनिक तालिम मबियागु खँय् एकीकृत नेकपा माओवादीं नं स्पष्ट यायेधुंकूगु दु । थ्व खँय् मेमेगु राजनीतिक पार्टीतय्सं नं उगु खँय् पूर्णत अस्वीकार यायेधुंकूगु स्थितिइ रक्षामन्त्री भण्डारीं छाय् भारतया आरोपयात छेनय् तयाः तालिम ब्यूगु धयागु खँय् सत्यता दयेमाः धकाः धयाच्वन थुइके मफुगु खँ खः ।

रक्षामन्त्री भण्डारी भारतया भक्त व छक्वःपितं न्हू दिल्लीइ वनाः निर्देशन काःवनीम्ह एमालेया नेता केपी ओलीया जवल्हाः खः धाइ । छगू ज्याझ्वःया झ्वलय् विदेश भ्रमणया इलय् भण्डारी - ओली छगू हे होटलय् छगू हे क्वथाय् लाःगु खँ नं चर्चाय् वःगु खःसा मदन भण्डारीयात स्याःिपंनिगु पुचः नाप हे भण्डारीया सांथगांथ दुगु खँ नं प्रचारय् वःगु खः । मदन भण्डारी स्याःगु खँयात एमाले पटक पटक सरकारय् वंसां हत्यारात मालेगु कुतः गबलें हे मयाःगु खँय् नं रक्षामन्त्री भण्डारी उगु पुचःदुने दुथ्याःगु अनुमान यानातःगु खः । छगू इलय् हत्यारा मालेगु धकाः उद्घोष याःम्ह रक्षामन्त्री भण्डारीयात कन्हय् खुन्हु हे मोटर छगः कोसः बियाः मन्त्रीपद लःल्हायेवं थः भाःतया हत्यारा मालेगु खँयात इतिहासया गर्भय् सुचुकूगु खः । छगू इलय् मदुम्ह नेपाली कांग्रेसया सभापति गिरिजाप्रसाद कोइलां एमालेयात भाइभारा पार्टी तकं धाःगु खः । भारतं नेपाःया ६६ थासय् भूमि अतिक्रमण यानावयाच्वनं नं छसः तय्मपुूम्ह रक्षामन्त्री भण्डारीं अन्ततः सुइगु रक्षा यानावयाच्वंगु दु - धयागु खँ आः बुलुंबुलुं स्पष्ट जुजुं वयाच्वंगु दु । भारतया हस्तक्षेपप्रति थःपिनिगु छ्यों क्वछुइकाः नोकरं मालिकयात लय्तायेकेगुकथं भारतया स्वार्थया रक्षा याःजुईपं रक्षामन्त्री जुयाच्वंतले नेपाः वा राष्ट्रिय स्वाधिनताया गथे रक्षा जुइगु खः धायेफै मखु । भारतया दलाल यानाः लेण्डुप जुइत स्वयाच्वंिपं थुज्वःिपं नैतिकरुपं भ्रष्ट व गैरराजनीतिक चरित्रया धनी व्यक्तित पाखें सुं नं नेपाःमिया जकमखु देशया हे शान्ति सुरक्षा व स्वतन्त्रताया रक्षा जुइ मफैगु खँय् शंका हे मदु ।

More Stories Like this