भारतीय प्रहरीं नेपाःमि बेपत्ता

येँ (झीगु स्वनिगः)

भारतया सीमा सुरक्षाया निितं तैनाथ यानातःिपं व मेमेिपं भारतया प्रहरीतय्सं नेपाःया तराई लागाया नेपाःमितय्त ज्यादति यायेगु नाप नापं ख्यायेगु याना वयाच्वंगुिलं सकलसिनं स्यूगु हे खँ खः । आः वयाः ला नेपाःया नागरिकयात तकं ज्वनाः बेपत्ता यानाहःगु दु । भारतया प्रहरीं नवलपरासी जिल्लाया छम्ह नेपाःमि नागरिकयात ज्वनाः बेपत्ता यानातःगु खँ सार्वजनिक जूगु दु । भारत महराजगन्ज जिल्लाया सिमावर्ति बहुवार बजारय् सामान न्यायेत वंम्ह नेपाःया नवलपरासी जिल्लाया गुठी प्रसौनी ७ लागाया पिपरपातीया ३५ दँ दुम्ह सुरेन्द्र कोइरीयात भारतीय प्रहरीतय्सं ज्वनाः बेपत्ता यानातःगु खः ।
वंगु विहिवाः भारतया बजारय् वंम्ह नेपाःमि कोइरीयात ज्वनाः बेपत्ता यानातःगु दु धकाः धाःगु दु । आः वय्कः छु गज्वःगु अवस्थाय् दु धकाः सीके फुगु मदुिन । सामन्य किसान परिवारया कोइरी थःगु न्हिया न्हिथंया सामान न्यायेत भारतया बजारय् वनेगु यानाः वयाच्वंगु खः ।
भारतया बजारय् वंगु इलय् छुं हे कारण मदयेकं अथे भारतया प्रहरीं ज्वंगु नापं आः वय्कःया अवस्था छु दु धकाः न्यनेकने याःगु इलय् प्रहरीं छुं हे मधाःगु खः धकाः गाविसया पुलांम्ह नायः देवकरन जैसवालं संचारकर्मीतय्त धयादीगु दु । नेपाःया नागरिक कोइरीयात भारतया ठूठीबारी कोतवालीया निर्देशनय् बहुवार प्रहरी पोष्टं ज्वनाः बेपत्ता यानातःगु खः धकाः नं गाविसया पुलांम्ह नायः जैसवालं धाःगु दु ।

उगु घटनां यानाः भारतया सीमा लागा नाप स्वानाच्वंगु नवलपरासी जिल्लाय् नेपाःमित तसकं ग्यानाच्वंगु दु । बेपत्ता यानातःम्ह नेपाःमि कोइरीयात मालेगु ज्याय् नेपाःया प्रशासनं माःगु कथं कुतः यायेमाः धकाः माग याःगु दु ।