हाइटिइ हैजा फैले याःगु आरोपय् नेपाःया सेनायात आक्रमण

हाइटीइ हैजा फैले याःगु आरोपय् नेपाःया शान्ति सेनायात अन आक्रमण याःगु दु । सयौंया संख्याय् वःपिं प्रदर्शनकारीतय्सं लँ अवरोध यानाः विरोध प्रदर्शन याःगु खःसा राष्ट्र संघया शान्ति सेनातय्त अप्पां कयेकूगु खः । स्थिति नियन्त्रणय् कायेत अन टियर ग्यास त्वःतूगु दु ।

हाइटीइ नेपाःया शान्ति सेनां हैजा फैले याःगु आरोप अनया छुं पुचलं यानाच्वंगु दु । हाइटीइ शताव्दीया हे न्हापांगु पटक हैजा खने दुगु धाःगु दु । हैजाया हे कारणं अन द्वःछि मल्याक मनूतय् ज्यान वनेधुंकूगु दुसा झिंनिद्वः मल्याक मनूत थुकिं प्रभावित जूगु दु।

हाइटीइ नेपाःमितपाखें हे हैजा फैले जूगु खः धैगु खँयात प्रमाणित याइगु छुं हे आधार मदुगु खँ राष्ट्र संघं न्ह्यथंगु दु, तर थुकिया लक्षण दक्षिण एसियालिसे ज्वःलागु धाःगु दु ।

More Stories Like this