शाक्यतय्गु बारे

सम्पादकजु,
थःगु जात थःत तःधं । अय्नं जिं थन शाक्यतय्गु बारे सिउगु छता निता खँत च्वयाच्वना । संसारं माने यानातःम्ह व झीसं पुजा याना वयाच्वनाम्ह महामानव, गौतमबुद्ध शाक्य कुलयाम्ह खः । अले आःतक म्वानाच्वंम्ह द्यः धकाः झीसं कुमारी पुजा यानाः दँय्दँय्पतिकं वय्कःयागु ल्हातं सिन्हः फयाच्वना, व कुमारी नं शाक्य कुलयाम्ह खः । आःतक थ्व परम्परा न्ह्यानाच्वंगु दनि थथे हे न्ह्याबलें थें जि स्वयम्भु वनाबलय् धर्म पासा माने यायेबहम्ह अमृतमान शाक्यजुं जितः निगू सपु बियादिल । छगू 'माजुश्रीनक महाविहारया शाक्य नेवाः खलः' धाःगु व मेगु 'रजत जयन्ती'पौ । थ्व निगुलिं सपु ब्वनाः जिं मसिउगु खँत शाक्यतय्गु बारे यक्व हे जानकारी दत । नापं शाक्यतय्सं यानातःगु योगदान व यानाच्वंगु ज्याझ्वःतय् बारे नं यक्व हे सीके दयाः साप खुशी जुल । अथे जूगुलिं जितः सपु बियादीम्ह अमृतमान शाक्ययात दुनुगलंनिसें सुभाय् देछानाच्वना ।

- कृष्णमान डंगोल
मखंगल्लि तुन्छेबहाः, येँ ।

More Stories Like this