आत्मघाती कार बम विस्फोटं सैनिकया मृत्यु

इराक (सिन्ह्वा)

इराकया राजधानी शहरनिसें उत्तरी निनेमेह प्रान्तय् छगू आत्मघाती कार बम विस्फोट जुयाः छम्ह सैनिक सीगु दुसा खुम्ह मोसुलया मनूत घाःपाः जूगु प्रान्तीय प्रहरी स्रोतं सिन्ह्वा समाचार समितियात धाःगु दु । पश्चिमी मोसुलया जःलाखःला प्रान्तय् अवस्थित इराकी सैनिक प्रहरी चौकी लिक्क हे उगु विस्फोटन याकूगु खः । उगु विस्फोटनय् छम्ह सैनिक सीगु छम्ह घाःपाः जूगु छम्ह प्रहरी घाःपाः जूगु दुसा उकिया नापनापं मेमेिपं प्यम्ह सर्वसाधारण नागरिकत घाःपाः जूगु दु । उगु विस्फोटनपाखें सर्वसाधारण नागरिकया आपालं कारत ध्वस्त जूगु व लिक्कया छेँय्त नापं क्षतिग्रस्त जूगु दु । मोसुलया प्रान्तीय राजधानी निनेभेह प्रान्त विद्रोही समूहत अल - कायदा आतङ्ककारी लगायतया पकड क्षेत्र कथं कायेगु याः । उगु प्रान्तयात अमेरिकी सैनिक व इराकी सुरक्षा बलं कडा सुरक्षा ब्यूगु दु । कडा सुरक्षा दथुइ नं आतङ्ककारीत थज्याःगु घटनात यानाच्वंगु दु ।

More Stories Like this