एशियाली खेलकुदय् नेपाःया निराशाजनक प्रदर्शन

ग्वान्जाउ चिन

चीनया ग्वान्जाउय् जुयाच्वंगु १६ औं एशियाली खेलकुदया स्वक्वःगु न्हिं टेवल टेनीस व लन टेनीसया टिम इभेन्टय् नेपाः बूगु दु ।
ग्वान्जाउ जिन्नेजियमय् आइतवाः जूगु टेवल टेनीसया मिसा व मिजंया निगुिलं कासाय् जूगु टिम स्पर्धाय् नेपाः बुगू खः । मिजंतय्गु पाखें कासाय् नेपाल हङ्गकङ्ग नापं ३-० बुगू खः । अजय सुवाल हङ्गकङ्गया ताङ्ग पिङ्ग नापं ११-१ ११-७ व ११- ७ या सेटय् बूगु खः ।
अथेहे पुरुषोत्तम बज्रायार्च ज्याङ ताइङ नाप ११-५ ११-३ व ११-६ पाखें बुगू दु । धाःसा मेगु कासाय् रिाजत रायमाझी नं हङ्गकङ्गया कोलि चेक नापं ११-५ ११-२ व ११-२ पाखें बूगु दु । मिजंतय्गु टिम इभेन्टय् नेपाः थुिकं न्ह्यो शनिवाः जापान व इरान नाप ३-० अन्तरं बूगु खः ।

अथेहे मिसापिनीगु पाखे टिम स्पर्धाय् आइतवाः नेपाः उज्वेकिस्तान व भियतनाम नाप ३-०या अन्तरं बूइत बाध्य जूगु खः । अत्याधुनिक कवर्डहलय् उज्वेकिस्तान बिरुद्धया कासाय् रेनुका खत्रीं बाँल्लागु ख्याच्वः विइत सफल जूगु जुसां तिवं उगु कासा त्याकि धासाः मफत । रेनुकां बुर्खान्को डिजेभा नापं ३-१ पाखें बूगु खः । न्हापांगु सेट ११-६ मदयेवं रेनुकां निक्वःगु सेट ११-६ पाखें त्याकूसें कासाय् लिहां वयेगु संभावना क्यंगु खः । तर संघर्ष पूर्ण स्वक्वःगु सेट १२-१० य् थ्यनेवं प्यक्वःगु सेटय् नं १-९ पाखें बूगु खः ।

अथेहे नविता श्रेष्ठ उज्वेकिस्तानया किम वल्गा नापं ३-१ पाखें बुगू दु । न्हापांगु सेट ११-४ पाखें ल्यूने लाःम्हः नवितां निक्वःगु सेटय् ११-७ पाखें थःगु पक्षय् काःगु खः । तर स्वक्वःगु व प्यक्वःगु सेटय् धासा समान ११-३ स्कोरं बुत । मिसा तय्गु मेगु कासाय् स्वच्छा नेमाङ्ग इन्द्रिरा कार्गिरोभा नापं ११-५ ११-७ व ११-७ पाखें बूगु खः । उिकं न्ह्यो मिसापिनीगु टिम इभेन्टय् नेपाल उत्तर कोरिया व थाइल्याण्ड नापं बूगु खः ।
टेवल टेनीसय् आः नेपाःया मिसा व मिजं निगु पाखें एकल डबल व मिक्स डबलय् धेँधेँबल्ला याइगु जुइ । भियतनामनापं नं नेपाः ३-० बूगु खः ।
मिसा लन टेनिश क्वार्टर फाईनलय् क्वचाःगु ग्वान्जाउय् न्ह्यानाच्वंगु मिसा लन टेनीसय् नेपाःया कासा क्वाटरफाइनलय् हे सिधगु खः । आइतवाः जूगु कासाय् नेपाल जापान नाप ३-० या सेटं बूगु खः । नेपाःया एस्लीसा लिसानेभिच जापानया फुडा आररोकोनापं ६-० व ६-० या सेटं बूगु खः । अथेहे मल्लिका राना नं मिसाकि डोइनापं ६-० व ६-० पाखें बूगु खः । मिसाः डबलपाखे राना व निसोभीचया पुचलं जापानया मिसाकी व योको फुडाया जोडी नापं ६-० व ६-० पाखें बूगु खः । थुिकं न्ह्यो मिसा टेनिसय् शनिबाः जूगु कासाय् मंगोलियायात बुकूसें क्वाटर फाइनलय् दुहां वःगु खः ।

More Stories Like this