चेसय् नेपाः त्यात

चीन (झीगु स्वनिगः)

चीनया ग्वान्झाउलय् न्ह्यानाच्वंगु िझंखुक्वःगु एशियाली खेलकुदय् मिजं चेसपाखे नेपाल च्याम्पियन बद्रीलाल नेपाली स्वंगूगु चरणय् आइतवाः त्याःगु दु । बद्रीलालं जापानया यामाडा कोहेईयात बुकूगु खः । थ्व स्वयाः न्ह्यः वय्कलं निगूगु चरणय् काजाकिस्तानया २३ सय ७६ रेटिङया कासामि सुकुरेलभलिसे बराबरी म्हितादीगु खः । स्वंगूगु चरणय् विमललाल श्रेष्ठ धाःसा बूगु खः । वय्कः यमनया २३ सय ९८ रेटिङया आईएम अल जेन्दारीलिसे बुगु खः । वय्कलं निक्वःगु चरणय् लाओसया फोमसोने खम्पोयात बुकादीगु खः । चेसया मिसापाखे नं नेपाली कासामिया प्रदर्शन बांमलाःत । अस्मिता अधिकारी व मोनालिसा खुम्बु निम्हं निक्वःगु व स्वक्वःगु चरणय् बूगु खः । नेपालं पदकया आशा याःगु उसुया थीथी धेंधेंबल्लाः कासाय् आइतवाः हे धेंधेंबल्लाः कासा जुइत्यंगु खः ।

More Stories Like this