किपूलीइ अप्वल स्वाँ ब्यवसाय

किपू (झीगु स्वनिगः)

स्वन्तिया इलय् स्वाँया आपालं ब्यापार जुइवं किपूनापं येँया दक्षिणभेगया आपालं स्वाँ ब्यवसायी किसानत लय्ताःगु खः । छुं दँ न्ह्योनिसें येँया दक्षिण लागाय् स्वाँया ब्यवसायय् सर्वसाधारणया आकर्षण अप्वयाः वंगु खः । थुगुसी न्हापाया दँय् स्वयाः आपालं स्वाँया ब्यवसाय अप्वयेवं अझ ब्यवसायीत आर्कषित जूगु खः । न्हापाया दँय् उत्पादन जूगु स्वाँ व्यापारया निितं कालिमाति बल्खु लगायतया थासय् यंकेमाःगु बाध्यता जूगु जूसां नं थुगुसी छेँ छेँय् वयाः न्यायेगु यायेवं आपालं ब्यापारीत लय्ताःगु धाःगु दु । किपूया भाजंगाः सल्यानथान येँया दक्षिणभेग चाल्नाखेल सेतीदेवी दक्षिणकाली लगायतया थासय् स्वाँया व्यावसायिककथं किसानत आकर्षित जूगु दु । येँया दक्षिणभेगय् च्वंगु दक्षिणकाली द्यःया निितं दच्छियंकं स्वाँ मीगु व स्वन्तिया इलय् आपालं ग्वय् स्वाँ तकु स्वाँ लगायत स्वाँया ब्यापार जूगु स्थानीय फुल व्यवसायी सुमनकुमार श्रेष्ठं जानकारी ब्यूगु दु । स्वाँया आपालं माग जुइवं येँया दक्षिणभेगय् जक मखु मकवानपुरया फाखेल सिस्नेरी चित्लाङ लगायतया थासय् नं स्वाँया ब्यवसाय अप्वःगु श्रेष्ठं धयादिल । स्वाँया सामान्य व्यवसायं छखा छेँया जःिपंत याउँक हे लहीफइगु नापं वय्कलं धयादिल ।

More Stories Like this