टनेलय् प्यूगु गोलभेरां बांलाक्क आम्दानी

पोखरा (झीगु स्वनिगः)

दृढ इच्छा शक्तिया लिसलिसे लगनशील जुयाः ज्या यात धाःसा म्हो जग्गापाखें नं बांलाःगु आम्दानी यायेफइगु उदाहरण जूगु दु माझठानाया कृषक गोविन्द बाँस्तोला । कास्की माझठाना गाविस - ६ तल्लोबारीया कृषक बाँस्तोलां प्यंगू आना जग्गाय् छगू टनेल निर्माण यानाः गोलभेरा खेती यानाः वार्षिक रु. ७० हजार स्वयाः अप्वः आम्दानी याःगु दु । वि.सं. २०५२ सालंनिसें गोलभेरा खेती न्ह्याकूम्ह कृषक बाँस्तोलां टनेलपाखें उत्पादन जूगु गोलभेरा थःम्हं हे डोकाय् क्वःबुयाः लेखनाथया सिसुवा व गाँया हे थुिम्सकोट घुम्ले लगायतया बजारय् थ्यंकाः मीगु यानाच्वनागु जानकारी नापं वय्कलं बियादिल । टनेलपाखें छवाःयादुने सय केजी स्वयाः आपालं गोलभेरा उत्पादन जुइगु यानाच्वंगु व थुकिया हे आम्दानीपाखें घरायसी खर्च चूलानाः च्वंगु नापं धयादिल । जेठ महिनाय् पिनागु पुसां साउनया लिपांगु वालंनिसें छवाःनिसें उत्पादनया िदं न्ह्याकाःगु वय्कलं धयादिल ।

छेँय् लहीनाःगु साःया गहुत सङ्कलन यानाः गोलभेरा खेतीया निितं मल व कीटनाशक वासःया रुपं छ्यलाः वयाच्वंगु वय्कःया धापू दु । उगु गाँया कृषक भोलानाथ सुवेदी व कृष्णप्रसाद बाँस्तोलां नं टनेल निर्माण यानाः गोलभेरा खेती यानाः वयाच्वंगु दु । छुं दँ थुखे उगु गाँया कृषकतय्सं परम्परागत खेती स्वयाः चिहाकःगु इलय् अप्वः उत्पादन कायेफइगु आधुनिक खेतीपाखे बहः बिइगु यानाः वयाच्वंगु दु ।

More Stories Like this