स्वंगू करोड धेबा नेपाल सरकारयात

परासी (झीगु स्वनिगः)

विद्युत न्यानागु बापत भारत सरकारं नेपाल विद्युत प्राधिकरणयात रु. दुई करोड ९३ लाख रकम भुक्तानी याःगु दु । नवलपरासीइ उत्प्ाादित विद्युत न्यानाः भारतया बिहार क्षेत्रय् छ्यःगु बापत भारत बाल्मीकि नगर सिँचाइ विभागं नेपाल विद्युत प्राधिकरणयात उगु बराबरया रकम भुक्तानी याःगु खः । भारतया भैसालोटन व बगाहा क्षेत्रय् छ्यलाः वयाच्वंगु विद्युत बापतया रकम नेपाल विद्युत प्राधिकरण परासीपाखें केन्द्रीय विद्युत प्राधिकरणय् उगु रकम भुक्तानी याःगु जानकारी ब्यूगु दु । जिल्लाया गुथि सूर्यपुराय् दुगु विद्युत उत्पादन गृहलय् उत्प्ाादन याःगु विद्युत बर्दघाट शवस्टेसनपाखें भारतं माःगुकथंया विद्युत न्यानाः बिहार क्षेत्रय् विद्युत छ्यलाः वयाच्वंगु दु । वंगु आर्थिक दँ २०६६/०६७ तक्क न्याःगु कूल रु. दुई करोड ९३ लाख ७० हजार रु। ३२८ थौंकन्हय् जक भारतं नेपाल विद्युत प्राधिकरणयात चेकपाखें भुक्तानी याःगु विद्युत प्राधिकरण परासीया सहायक प्रशासन अधिकृत कृष्णप्रसाद सापकोटां धयादिल । वंगु आर्थिक दँतक्कया भारत बाल्मीकिनगर सिँचाइ विभागं नेपाल विद्युत प्राधिकरणयात विद्युत न्यानागु बापतया रकम भुक्तानी याःगु व चालु आर्थिक दँया रकम बाँकी याःगु जानकारी ब्यूगु दु । नेपाल विद्युत प्राधिकरणलिसे विद्युत न्यानाः भारतं ताःहाकःगु इलंनिसें भारतया बाल्मीकि नगरय् थःगु शवस्टेसन पलिस्था यानाः नेपाःपाखें न्यानाःगु विद्युतयात भारतया बिहार क्षेत्रय् छ्यलाः वयाच्वंगु नापं जानकारी ब्यूगु दु ।

More Stories Like this