छि नं जुइगु मखुला उद्घोषक

- आशाकाजी महर्जन -

धाये गुलि अःपु व मन्त्रीया ला भाषण जक यायेगु हे ज्या थें च्वं । थ्व मन्त्री भाषण यायेथाय् लुतकि माइक हे त्वःतीमखु । धायेबलय् अःपु धरःग्वारा तःपुू धयागु थ्व हे ला खःिन । भाषण यायेगु धैगु ध्यबा छगःहे मवंगु थें धाइम्हसित छकः माइक ज्वंकाः भाषण याका स्वयादिसँ माइक ल्हातिइ लात कि वं थःगु नां ल्वःमंकी थुरुथुरु खाइगु चिकुलां नं न्हकुं चःति पिकाइ । थ्व थथे हे खः, थ्व युग खँ न्याःपिनिगु युग खः म्हुतुख्वाँय्तय्गु मखु । थौंकन्हय् बांलाक न्ववाये मसल धायेवं ससलय् च्वंम्ह खिचां नं उयाहइ । छाय्कि संसार हे उद्घोषणयागु खः । राजनीति यायेमाःपि व नेतृत्व कायेमाःपि मनूतय्गु खँ ला छखे हे तये जागीर नयेमाःिपं वा व्यापार यायेमाःिपं शिक्षक जुयाः आखः ब्वंके माःिपं व विद्यार्थी जुयाः ब्वनेमाःिपंत नं उद्घोषण कला मदयेकं मगाः । आः धैदिसँ सा जुइगु मखुला ले छि नं उद्घोषक म्हुतु दुिपं लाता मखुिपं फुक्कस्यां न्ववाये सइ तर श्रोता अथवा दर्शकतय्गु न्ह्यःने यइपुक न्ह्यइपुक व प्रभावकारी ढंग पाय्छिकथं नवायेगु गुण दुम्हेसित जक सक्षम उद्घोषक धाइ । थ्व गुण स्वर्गय् नं दइ मखु । न्हू सतकय् न्यायेगु नं दइमखु । अय्सा गन कायेगु ले थ्व गुण न्ह्याम्ह मनूयाके नं थः दुने हे सुलाच्वंगु दइ । बस् उकियात ईब्यःयात ल्वयेक पित हये जक फयेके माः ।

उद्घोषकं छु यायेमाः छु यायेम्वाः धैगु फुक्कस्यां सिउ तर याये त्यलकि व सिउगु खँ फुक्क गनवं गनवं जुइक तनावनी । उिकं व फुक्कस्यां सिउगु तर ल्वःमनीगु खँ छु छु खःले धकाः सिइके माः अले कार्यक्रमया साधारण विषयवस्तु थःगु नुगलय् स्वचाके माः । अनं कार्यक्रम जूगु न्हिल्याः लुमंके माः अले सुथय् बहनी वा न्हिनय् गुबले जुइत्यंगु खः धैगु नं लुमंका तयेमाः । उकिया लिसें उद्घोषक थःम्हं न्ह्याके त्यनागु कार्यक्रम गुगु जिल्लाया गुगु त्वालय् जुइत्यंगु खः धैगु लुमंके माः ।

व थें तुं कार्यक्रम सुनां आयोजना याःगु खः व आयोजकया बारे छुं छुं खँ नं सिइका तयेमाः । उकिया लिसें वक्ताया रुपय् वइपिनिगु नां व ख्वाः चूलाका लुमंका तयेमाः । उलि मजूसा छम्ह वइबलय् मेम्ह वल धायेगु अले न्ह्यःनेसं दनाच्वम्हेसित तापाक वयेमाल थेंज्याःगु गल्ति जूवनी ।
अले कार्यक्रम गथे यानाः संचालन यायेगु अथे धैगु न्हापां छु यायेगु वा सुयात नवायेत सःतेगु धैगु न्हापां हे क्वः छिइमाः नापं थ्व कार्यक्रम गपाय् हाकः यायेगु धैगु नं न्हापा हे निश्चित जूसा छम्ह वक्तायात गुलि गुलि ई बिइगु धैगु पाखे नं बिचा वाये फइ ।
थुिपं फुक्कं त्वःता नं लुमके हे माःगु छता खँ व कार्यक्रमया उद्देश्य खः । उद्घोषक जुइगु धैगु वास्यां न्हिलाः भ्वँतय् च्वयातक्क जक ब्वनाः न्यंकेगु मखु । व कार्यक्रम छाय् न्ह्याकेमाल धैगु थःम्हं सिल थुल धाःसा जक मेपिन्त कनेफइ । अले दर्शक वा श्रोता नं व कार्यक्रमया छुं उद्देश्य दु धैगु सिल धाःसा जक अन घौछि बाघौ फ्यतुना च्वनेत तयार जुइ । अथे धायेवं हानं धायेमाक्क दक्व थम्हं धयाबिल धाःसा आयोजकत माचय् वयेबलय् छु नवायेगु थ्व नं बिचा यायेमाः । सार्वजनिक सभा समारोह यायेत आः माइक मदयेक मगाये धुंकल । माइक धैगु वस्तु नं गजब हे खः । ययां यल थ्वयात म्हसित धाःसा थ्व म्हुतइ चुप्पा नःवइम्ह पासा थें च्वनी । म्हसिइके मफुत कि हानं म्वाःम्वाकं नुनाव्छईपं लाखय् लसि थें थुिकं उद्घोषक जुइ धकाः वइम्हेस्यागु सात्तु कयाबिइ । खला माइकया क्वालिटी स्वयाः उकियात गुकथं छ्यलेमाः धैगु सिइदइ । अथेसां अप्वः माइकयात म्हुतु स्वया ४-५ इन्च तापाकाः ४५० या कोषय् तल धाःसा म्हुतुं पिहां वःगु सः त्याजिक तायेदइ । थुकियात माइक स्टाइल धाइ ।

नासःद्य धैम्ह तःधं । यदि नासलं लित धाःसा सुं नं मनू व दंसां फ्ततूसां खँ ल्हाः सां न्ह्यागु याःसां व हिसि दइ । नासलं मलितकि न्ह्याथेयाः सां दर्शकया वा श्रोताया ध्यान साले फइ मखु । अय्सा दर्शकतय्गु मिखां स्वयेबलय् मिजं उद्घोषकं थःगु तुति भि ख् आकारे वयेक धस्वानाः अले मिसा उद्घोषक जवगु स्वयाः खवगु तुति भचा लिपा तयाः तुति L V आकार वयेक वा म्ह भतीचा म्वय्थ्यानाः दंसा बांलाः । खला बानी मदुतले ल्हातिइ च्वंगु माइक व भ्वं गन तल धकाः टेबुल तःलय् माःवने मालेयः । तर छम्ह उद्घोषक जुइत संयमित जुयाः धैर्य तयाः दर्शकया न्ह्यःने दंवने न्ह्यः थःगु वसः सँ सचिका ख्वालय् मेकअप निसें लाकां थ्यंकं छकः थःम्हं न्हाय्कने स्वयाः जक वंसा दर्शकतय् न्ह्यःने मछालाच्वने मालीगु स्थिति वइमखु । छम्ह उद्घोषकया िनंति थःम्हं न्ह्याकेत्यनागु हरेक कार्यक्रम छगू परीक्षा खः । हानं थ्व नं चीट च्वयाः मखु थःम्हं हे थःगु कला शीप व प्राविधिक ज्ञान छ्यलाः पास यायेमाःगु । प्यम्ह जूसां द्वःछिम्ह जूसां थः न्ह्यःने च्वनाच्वंिपं दर्शकतय्त द्यः भाःपियाः न्यासि भ्वासि मचासें ग्याःम्ह थें नं मच्वंसे थःगु नुगलय् न्ह्यागु भाव लूसां दर्शकतय्सं हाःहू हे याःसा छितं तंमचासें इमित लय्तायेकेगु धैगु छगू युद्ध हे त्याकेगु खः धाःसां जिउ । थन छम्ह उद्घोषकं लुमंकेमाःगु खँ छता दु न्हिलेगु धैगु मोतिमाः थें ज्याःगु वा क्यनेगु मखु मिखा न्यताः व मन्चाया कोमलः व संवेदनशील मांसपेशी मार्फत मनय् व्हःगु स्वां व्हलेगु खः । थ्व स्वां व्हलेत जोश व जाँगर जक मखु आत्मविश्वास व आत्मज्ञान नं माः । छिगु विजय निश्चित ज्वी ।

More Stories Like this