सार्वभौम सत्ताय् लिच्वः लाकीगुयात प्रतिवन्ध
येँ (झीगु स्वनिगः)
न्हूगु संविधानय् सार्वभौम सत्ता व राष्ट्रिय अखण्डताय् लिच्वः लाइगु कथंया गतिविधि याइगु राजनीतिक दलयात प्रतिबन्ध तयेगु प्रावधान दुथ्याकेगु खँय् उच्च स्तरीय राजनीतिक कार्यदलया मुँज्याय् नेतात सहमति जूगु दु । म्हिगः आइतवाः िसंहदरवारय् च्वंगु मुँज्यां विचारया ल्याखं न्ह्यागु हे बिचार ज्वनाः वःसां राजनीतिक दलत दयेके फैगु तर सार्वभौम सत्ता व राष्ट्रिय अखण्डताय् लिच्वः लाकीगु गतिविधि याइगुयात प्रतिबन्ध तयेफै धकाः सहमति जूगु खः ।
संविधानसभाया मौलिक हक सम्वन्धी समिितं तयार याःगु प्रतिवेदनया मस्यौदायात कयाः सहलह ब्याकूगु इलय् अथे दलया नेतातय्गु दथुइ सहमति जूगु खः । उगु मुँज्याय् कार्यदलया कजि नापं एकीकृत माओवादीया नायः पुष्पकमल दाहाल प्रचण्ड नेपाली कांग्रेसया संसदीय दलया नेता रामचन्द्र पौडेल एमालेया नायः झलनाथ खनालपिन्सं ब्वति कयादीगु खः ।
