थौं निर्वाचन आयोगया ज्यायात कयाः संविधानसभाय् धर्ना
येँ (झीगु स्वनिगः)
राष्ट्रिय परिचय पत्र अर्थात मतदाता परिचय पत्र बिइगु विषयसं तराईया राजनीतिक दलतलिसे निर्वाचन आयोगं नागरिकता मदुसां मतदाता परिचय पत्र बिइगु धकाः सहमति प्वंकूगुया विरोधय् थौं राष्ट्रिय जागरण परिषद् नेपालं संविधानसभा भवन पिने न्हूबानेश्वरय् धर्ना बिइगु जूगु दु । नागरिकता मदुसां मतदाता परिचय पत्र बिइगु धाःगु नेपालय् भारतया नागरिकतय्त तकं मतदाता परिचय पत्र बिइत्यंगु नापं उिकंयाना नेपाः सिक्किमिकरण व भुटानीकरण जुइगु जुयाः उकियात तत्काल खारेज यायेमाः धकाः माग यानाः अथे धर्ना च्वनेत्यंगु खः ।
नेपाःया नागरिकता सीमा नापं अन्तर्राष्ट्रिय ख्यःयात चासो तयाः वयाच्वंिपं मनूत मुनाः उगु कथं परिषद् दयेका थौं धर्ना बिइत्यंगु खः । राष्ट्रिय जागरण परिषद साध्यबहादुर भण्डारी हिरण्यलाल श्रेष्ठ सोनाम लामा सिन्धुनाथ प्याकुरेल नापं मेमेिपं मनूत च्वनाः दयेकूगु खः । उगु परिषदं निर्वाचन आयोगया लिपांगु निर्णययात गबले तक लित काइमखु अबले तक निरन्तर रुपं अभियानया रुपय् आन्दोलन न्ह्याकेगु जुइ धकाः नं धाःगु दु ।
