आन्दोलनया दमनकारीत हे न्हूदँया दबुलिइ

श्रीकृष्ण महर्जन

नेवाः स्वायत्त राज्य मंकाः संघर्ष समितिया सचिवालय्या दुजः नापं नेवाः आन्दोलनया न्ह्यलुवाः मल्ल के सुन्दरं न्हापा न्हूदँ आन्दोलनया दमनकारीतय्त हे येँया नेपालभाषा मंकाः खलःपाखें दयेकीगु न्हूदँ समारोह समितिपाखें बसन्तपुरय् जुइगु दबुलिइ थनेगु यानाच्वंगुिलं आपत्ति प्वंकादीगु दु । शनिवाः नेवाः देय् गुथि नेपाल मण्डलपाखें नेपाल संवत् ११३१ न्हूदँया लसताय् बसन्तपुरया दबुलिइ याःगु ज्याझ्वलय् न्वंवायेगु झ्वलय् वय्कलं अथे धयादीगु खः । मल्लं म्हिगः न्हूदँया आन्दोलनकारीतय्त साम्प्रदायीक धकाः द्वपंबियाः दमन याःिपं हे बसन्तपुरया दबुलिइ न्हूदँ हनेगु झ्वलय् थनेगु यानाच्वंगुिलं थःम्हं तःदँ न्ह्यःनिसें बसन्तपुरया दबुलिइ न्हूदँया ज्याझ्वलय् ब्वति मकायागु खः धकाः नं धयादिल ।
वय्कलं मंकाः खलकं न्हूदँ हनेगु झ्वलय् समारोह समिति दयेका आर्थिक पारदर्शिता मक्यंगु नापं भ्रस्ताचार जुल धकाः संचार माध्यमय् खँ वयाच्वंगुिलं आः छानबिन यायेमाः धकाः तकं धयादिल ।

न्हूदँ आन्दोल नेवाः उत्पीडनया विरुद्धया प्रतिकात्मक आन्दोलनयात आः वयाः मंकाः खलकं उत्सवया रुपय् जक हनाच्वंगु खँ न्ह्यथसें नेपाल संवत राष्ट्रिय संवत् घोषणा जुइ धुंकूगु अवस्थाय् थुगु आन्दोलनयात अझ अप्वः चकंका यंकेगु निितं नुगः चकंकाः प्रधानमन्त्रीया नेतृत्वय् थीथी राजनीतिक पार्टीया नेतात दुथ्याकाः न्हूदँ समारोह समिति दयेकेमाः धकाः नं धयादिल । ज्याझ्वःया मू पाहां नेवाः देय् गुथि नेपाल मण्डलया संरक्षक राजेन्द्र श्रेष्ठं म्ये हाला उलेज्या यानादीगु उगु ज्याझ्वलय् वय्कलं नेपाल संवतया आन्दोलनयात नेवाः स्वायत्त राज्य प्राप्तिया आन्दोलनया रुपय् विकास यायेमाः धकाः बः बियादीगु खः ।

उगु ज्याझ्वलय् नेवाः देय् दबूया नायः नरेश ताम्रकारं नेवाः संस्कृतियात हाकनं स्यंकेगु कथं पंचाङ निर्णायक समिितं पात्रो दयेकल धाःसा िमं तयाबिइ धकाः ख्याच्वः बियादिल ।
वय्कलं लिपांगु इलय् उच्च स्तरीय राजनीतिक कार्यदलं गुगु कथं न्हूगु संविधानय् केन्द्रय् खँय् भाय्यात कामकाजया भाषाया रुपय् मान्यता बिइगु अले मेगु भाषाया सवालय् आयोग दयेकेगु धकाः क्वःछित उकियात कयाः आन्दोलन यायेमाः धकाः बः बियादिल । उगु समारोहलय् न्हूदँ हना पुचःया कजि डा। चुन्दा बज्राचार्य सभासद् बुद्ध साय्मि नेवाः देय् गुथि नेपाल मण्डलया नायः नरेन्द्रभक्त हाडा नापं मेमेपिन्सं नेपाल संवतया आन्दोलनयात नेवाः स्वायत्त राज्यया आन्दोलन नाप स्वाकाः यंकेमाः धकाः बः बियादीगु खः ।