सुकीयात म्हिगः त्वतल

याङ्गुन (एएफपी)

म्यान्मारं १८ लां निसें थःगु हे छेँय् नजरबन्द यानातःम्हः विघटित नेशनल लीग फर डेमोक्रेसीया नेतृ आङसान सुकीयात सरकारं मुक्त याःगु दु । आङ सान सुकीया नजरबन्दया अवधि शनिवाः सिधेवं वय्कःयात मुक्त याःगु खः । शुक्रवाः सुकीया आपालं सर्मथकतय्सं वय्कःयात त्वःतकेगु निितं देय्न्यंकलं प्रदर्शन नं याःगु खः । करिब निगू दशकनिसें नजरबन्द जुयाच्वंगु छगू ताल लिक्कया वय्कःया छेँय् न्ह्यःने म्हिगः वय्कःया रिहाइया आशय् आपालं समर्थकत मुना च्वनाच्वंगु बुखँपाखें जानकारी ब्यूगु खः । खुइन्यादँया नोबेल शान्ति सिरपाः त्याकामि सुकीया रिहाइया आशय् वय्कःया पार्टी ज्याकू न्ह्यःने म्हिगःया तसकं तांन्वःगु मौसमय् नं वय्कःया समर्थकत तसकं उत्सुकता लिसे पियाच्वंगु बुखँय् न्ह्यथनातःगु दु । थज्याःगु आपालं समर्थकतय्सं सुकीया किपाः दुगु टिसर्टत फिनाः उगु टिसर्टय् जििपं आङ सान सुकी लिसे हे च्वनेगु धकाः च्वयातःगु खः ।

म्यानमारया अधिकारीतय्सं सुकीया रिहाइ शनिबाः बहनीतक्कयादुने जुइगु जानकारी ब्यूगु जूसां नं सरकारं न्हिनय् हे नजरबन्दं मुक्त याःगु खः । वंगु झण्डै निगू दशकनिसें गबलें जेल व लिपांगु इलय् वय्कःया थःगु हे छेँय् नजरबन्दय् तयातःम्ह सुकीया नजरबन्दया म्याद नं म्हिगः हे क्वचाःगु खः । वय्कःया लिपांगु अवस्थायाबारे छु नं जानकारी मदुगु धयादिसें शनिवाः सुथय् तक्क छम्ह सरकारी अधिकारीं धयादिल - वय्कःयात थौं हे त्वःती । याङ्गोनया छम्ह स्वीन्यादँया गृहिणी चो चों धयादिल - जििपं तसकं उत्साहित जुयाच्वनागु दु कि वय्कःयात आः याकनं हे बिना छुं हे लिमबाकुसे रिहा जुइ । वय्कःया पार्टीया छम्ह कार्यकर्ता लेइलेइं धयादिल - वय्कः दोषी खः धइगु खँय् जितः पटक्क हे विश्वास मदु वय्कःयात म्हिगः हे त्वःतेमाः धकाः प्रत्येक न्हि वय्कःया रिहाइया िदं खः । म्यानमारयाबारे याःगु विश्लेषणय् धायेगु याः अझ नं अनया सैनिक जुन्ता सरकारया निितं दकले तःधंगु हाथ्या सुकी हे खः ।

वंगु करिब न्यागू दशकनिसें सैनिक तानाशाही सरकार न्ह्याकाच्वंगु म्यानमारया वर्तमान सरकारं वय्कःयात वंगु नीछदँनिसें जेलय् हे तयातःगु खः । वय्कःया लिपांगु नजरबन्द म्हिगः हे क्वचाःगु खः । नेतृ सुकीयात नजरबन्द मुक्त यायेमाःगु ई वयेवं वय्कःया निवास न्ह्यःने म्हिगः सुथंनिसें हे आपालं पत्रकार समर्थक व स्थानीयपिनिगु आपालं हूल मंुगु खः । सुयागु नं आशा मदुसां म्हिगः रिहाई जूम्ह सुकीया पार्टीया नेतातय्सं वय्कःया सम्भावित रिहाइयात ध्यानय् तयाः वय्कःया तयारी कथंया ज्या यानाच्वंगु नापं जानकारी ब्यूगु खः ।
म्यानमारया सैनिक सरकारं नीदँलिपा न्हापांगु खुसिइ थ्वहे नोभेम्बर ७ तारिखय् संसद्या निर्वाचन याकूगु जूसां नं उगु निर्वाचनय् सुकीया दलं ब्वति काःगु मदु । सैनिक सरकारं याकूगु उगु निर्वाचनया विश्वसनीयता दथुइ न्ह्यसः थनाः उकियात मान्यता मबीगु पश्चिमा राष्ट्रतय्सं धयाः वयाच्वंगु नापं उगु हे बुखँय् न्ह्यथनातःगु दु ।

More Stories Like this