शिव च्याम्पियन

पोखरा (झीगु स्वनिगः)

निक्वःगु सि_िन्सयर सिटिजन्स कर्पोरेट मोटर र् यालीया उपाधि शिव श्रेष्ठं शनिबाः त्याकूगु दु । जितलिसे वय्कलं ४१ द्वः तका बरारबरया गिफ्ट ह्याम्पर काःगु दु । नेपाल अटोमोबाइल स्पोर्ट्स एशोसिएसन नासा अन्तर्गतया कर्पोरेट राइडस्र ग्रुपपाखें याःगु धेंधेंबल्लाः कासाय् रोशन श्रेष्ठ ल्यू लाःगु दुसा उपेन्द्र प्याकुरेलं लियांल्यू लाकेत ताःलाःगु खः । ल्यू लाःम्हेसिनं २१ द्वः व लियांल्यू लाःम्हेसिनं ११ द्वः तका बराबरया गिफ्ट ह्याम्पर प्राप्त याःगु खः ।

रविन शर्मा उत्कृष्ट ड्राइभर कविन श्रेष्ठ उत्कृष्ट डेडिकेटेड ड्राइभर निमा बान्तवा उत्कृष्ट सेफ ड्राइभर व पुरुषोत्तम श्रेष्ठ उत्कृष्ट भेट्रान्स ड्राइभर ल्यःगु खः । र् यालीइ पीछगः मोटरया ब्वति दुगु खः । र् याली त्रिपुरेश्वरस्थित राष्ट्रिय खेलकुद परिषद्पाखें न्ह्यानाः कालिमाटी कलङ्की थानकोट नौविसे पालुङ दामन भैसे हेटौंडा मनहरी लोथर भण्डारा पसा्र रत्ननगर व टाँडीस्थित सौराहाचौकय् थ्यंकाः क्वचाःगु खः । थ्व स्वयाः न्ह्यः र् यालीया संविधानसभाया सभामुख खुवासचन्द्र नेम्वाङं उलेज्या यानादीगु खः । र् यालीया दूरी निसः किलोमिटर दुगु खःसा त्याकाःमि ल्ययेगु ई दूरी व गतिया आधारय् याःगु खः ।

संस्थागतरुपं धेंधेंबल्लाः जूगु थ्व न्हापांगु खुसिइ खः । येँनिसें नगरकोटतक्कया र् यालीया न्हापांगु संस्करण व्यक्तिगत स्पर्धाय् जूगु खः । र् याली शुक्रबाः क्वचायेधुंकाः त्याकाःमि घोषणा धाःसा शनिबाः याःगु खः ।

More Stories Like this