मध्य मस्र्याङदी बन्दहाकनं लोडसेङिञ
लमजुङ (झीगु स्वनिगः)
नेपाल विद्युत प्राधिकरणं वइगु सोमबाःनिसें मध्यमर्स्याङदी जलविद्युत परियोजना बन्द याइगु जूगु दु । परियोजनायाकथं टर्वाइन ओभर हलिङया नितिं सोमबाःनिसें परियोजना बन्द यानाः मर्मत याके ब्यूगु खः ।
३५/३५ मेगावाट क्षमताया टर्वाइन पालंपाः मर्मत याइगु जूसां नं छवाःतक्क धाःसा निगुलिं टर्वाइन बन्द याइ । ७० मेगावाट क्षमताया परियोजनापाखें थौंकन्हय् ७० निसें ७५ मेगावाटतक्क मत उत्पादन जुयाः वयाच्वंगु दु । परियोजना बन्द यानाः मर्मत ज्या यायेबलय् देशं थप लोडसेडिङया मार फयेमालीगु जूगुलिं गुलिफु उलि याकनं परियोजनाया मर्मत ज्या जुइगु परियोजनां जानकारी ब्यूगु दु ।
