शंखधरया किपाः मिलय् जूला

नेपाःमि जनतायात त्यासां मुक्त यानाः देय्या नामं पलिस्था याःम्ह महान् देशभक्त व राष्ट्रिय विभूति शंखधर साख्वाःया वर्तमान किपाः धात्थें हे शंखधर साख्वाः यागु खःला न्ह्यसःिचं दनावःगु दु । वर्तमान शंखधरया किपाः पशुपतिइ दक्षिण लुखाया न्ह्यःनेसं च्वंगु छम्ह सामन्त यागु खः । उम्ह व्यक्तिं पशुपतिइ महाद्यःया शिवलिङ्ग न्हूगु दयेकाः प्रतिस्थित याःम्ह व्यक्ति खः । वयागु सपः हिनातःगु दु न्हाय्पनय् मारवादी चाः सुयातःगु दु । ल्हातय् शंख ज्वनाच्वंम्ह उगु मूर्तिया वसः नं धोति जक चिनातःगु दु । थुगु मूर्ति क्वसं छुं च्वयातःगु नं मदु । तर मात्रै शंख ज्वनाच्वंगुया आधारय् शंखधर साख्वाःया मूर्ति वा ख्वाः थथेहे च्वंधकाः प्रचारय् वयेवं खःसां मखुसां सकल नेपाःमितय्सं वइत हे शंखधर मानय् यानाः वयाच्वंगु दु ।

थौं स्वयाः िझंछसः व चानचुन इलय् सुं नं नेवाःनं उगुकथंया वसः व वनावटया भेषभुषा पुनीगु इतिहासय् लुयामवः । नेवाःतय्सं मपुनीगु भेषभुषायात कयाः छम्ह निम्ह व्यक्तिया हाहालय् शंखधरया किपाः बियाः म्हसीका बीगु गलत खः । थौं स्वयाः िझंछदँ न्ह्यः नेपाली कांग्रेसया सरकारं शंखधर साख्वाःयात राष्ट्रिय विभूतिया घोषणा यानाः सम्मान याःगु खः । अथेला नेपाल सम्वत्यात सरकारी मान्यता बीमाः धैगु माग आन्दोलनकारीतय्गु खःसां कांग्रेसी सरकार आन्दोलनकारीया माग विपरित शंखधरयात छाय् राष्ट्रिय विभूतिया मान्यता बिल धयागु खँ प्रष्ट मजू । शायद सरकारी मान्यता बिल धाःसा मेमेगु समस्यात वयेपुूगु सम्भावनाया आधारय् अथे याःगु जुइमाः । गनतक्क सरकारी मान्यताया खँ दु गुगु दकले महत्वपूर्ण व सान्दर्भिक खः एकीकृत नेकपा माओवादीया नायः प्रचण्डया नेतृत्वया सरकारं २०६५ कार्तिक ५ गते राष्ट्रिय सम्वत्या मान्यता बियाः आन्दोलनकारीतय्गु मागया सम्वोधन याःगु धयागु तसकं च्वछायेबहःगु खँ जूगु दु ।

तर विडम्बनाया खँ राष्ट्रिय विभूतिया सम्मान तक्क दयेधुंकूगु शंखधर साख्वाःया किपाः सही मखु थ्व केवल छगू अनुमानया आधारय् शंखधरया किपाःयात पुज्यानाः वयेगु धयागु गनतक्क पाय्छिगु खँ खः, पशुपतिइ तयातःगु शंख ज्वनाच्वंम्ह मूर्ति धात्थेंला पन्ति शहरयाम्ह महासामन्त जयिसंराम महाथ भाषयागु धयागु खँ चर्चाय् वयाच्वंगु दु । केवल शंख ज्वनाच्वंगुया आधारय् शंखधर जुइमाः धकाः विश्वास यायेगु पाय्छि मखु । थुकिया निितं इतिहासया गर्भय् मालेगु ज्या न्ह्याकेमाः । अध्ययन व अनुसन्धानया बलय् सत्य व तथ्य मालेमाः । छम्हनिम्ह व्यक्तिं शंखधर साख्वाः थथे च्वं अथे च्वं धकाः विना प्रमाण शंखधरया किपाःयात प्रचार प्रसारय् हयेगु स्वयाः शंखधरया किपालय् स्वांमाः क्वखायेकेगु वा िभंतुना कालबिल यानाः तुच्चा नयेगु व नकेगु बुद्धिमानी मखु । थौंया ज्या धयागु शंखधर साख्वाःया धात्थेंगु किपाः न्ह्यःने हयेगु खः । थ्व ज्याझ्वः न्ह्याके हत्थाये जुइधुंकूगु दु । यदि थौं नं झीसं वहे औपचारिक मूल्य व मान्यताय् लिकुनाः ईयात बर्वाद यानाच्वनेगु खःसा वइगु सन्तितं झीत धिक्कारे मयाइ मखु ।

More Stories Like this