३ गते बजेट हयेत सरकारया तयारी
येँ (झीगु स्वनिगः)
वर्तमान कामचलाउ सरकारय् दुथ्याःगु दलतय्सं प्रमुख प्रतिपक्ष एकीकृत नेकपा माओवादीया असहमति जूसां वइगु मंसीर ३ गते व्यवस्थापिका संसदय् पूर्ण बजेट हयेगु निितं तयारी याःगु दु । प्रधानमन्त्री निवास वालुवाटारय् शनिवाः सरकारवादी दलतय्गु मुँज्या च्वनाः अथे बजेट हयेगु तयारी याःगु खः । सरकारवादी दलतय्सं फयां फत्तले माओवादीया समर्थन कायेगु कुतः यायेगु अले माओवादीया समर्थन मदुसा न्ह्याथे यानाः जूसां बजेट धाःसा हयेगु जुइ धकाः धयादीगु दु । बजेट न्ह्यः नीति तथा कार्यक्रम महइगु जुयाः बजेटया बारे धाःसा थःपिन्त न्ह्यः हे छकः स्वयेत बिइमाः धकाः दलतय्सं प्रधानमन्त्रीयात इनाप यानादीगु खः ।
सरकारं वंगु शुक्रवाःनिसें न्हूगु बजेटया निितं माःगु कथं तयारी याःगु नापं अर्थविद् व कानुनविद्तलिसे सहलह ब्याकेगु ज्या याःगु खः । बजेट न्ह्याथे यानाः नं मंसीर ३ गते हयेत कानुनविद व अर्थविदतय्सं नं प्रधानमन्त्री नेपालयात सुझाब ब्यूगु खः धकाः धाःगु दु । एकीकृत माओवादीं आःया सरकार कामचलाउ सरकार जूगुिलं राजनीतिक रुपं सहमति मजुइकं पूर्ण बजेट हयेके बिइगु जुइमखु धकाः धयाः वयाच्वंगु खः ।
