थनिनिसें यलय् कात्ति प्याखं न्ह्यात

थनिनिसें ऐतिहासिक कात्ति प्याखं यलया कात्ति दबुलिइ शुरु जूगु दु । थुगु प्याखं थनिनिसें च्यान्हुतक न्ह्याइगु खः । मल्लकालिन जुजु सिद्धि नरिसंह मल्लं न्ह्याकादीगु थुगु प्याखं अन्तरगत थौं च्वलय् खुदां दां खुदां प्याखं क्यनेगु ज्या जूगु खः । बाथः प्याखं कथं नांजाःगु थुगु प्याखनय् येँ यल व ख्वपया उगु ईया मनूतय्गु चरित्र न्ह्यब्वइतःगु दु । अथेहे कन्हय् कौलाखिचा, क्यनीगु खँ धाःगु दुसा छसिकथं महामूर्ख, युद्धकला, देवी प्याखं, जलशयनी, बराह अवतार व लिपांगु दिनस नृसिंह अवतार क्यनीगु खः ।

स्वसः व न्हयेदँ पुलांगु थुगु प्याखं बहनिसिया ७ ताः इलंनिसें न्ह्याइगु कात्ति नाच प्रबन्ध समितिया निर्देशक हरिमान श्रेष्ठं जानकारी बियादीगु दु ।

More Stories Like this