विवादास्पद अमेरिकी भिडियो गेम

हवाना (सिन्ह्वा)

छगू अमेरिकी भिडियो गेमं क्युबाया पूर्व नेता फिडेल क्यास्ट्रोया नांयात हत्याया निशानाया रुपं छ्यःगुलिइ क्युबापाखें कडा आलोचना फयेमाःगु दु । सरकारपाखें साचालित क्युबा डिवेट न्यूज वेबसाइटं अमेरिकी सरकारं ५० दँ स्वयाः अप्वः इलय् यायेमफुगु ज्या आः वयाः यायेगु कुतः जूगु द्वपं ब्यूगु दु । थुगु कासाया उद्देश्य दोहोरो रुपं हे खराव दु वेबसाइटं धाःगु दु - थुिकं अमेरिकी सरकारपाखें क्युबाली नेता विरुद्ध योजना दयेकातःगु अवैध आक्रमणयात गौरवपूर्ण क्यंगु दुसा थुिकं उगु गेमया ग्राहक मस्तय्त असामाजिक व्यवहार यायेत बहः बिइ । क्यालिफोर्नियाया एक्टीभिजन ब्लिजार्ड कम्पनीपाखें दयेकूगु थ्व कासां क्युबा रुस भियतनाम व लाओसयात शत्रुया क्षेत्रया रुपं क्यनाच्वंगु दु ।

More Stories Like this