भारतीय माओवादीयात तालिम बिल धइगु गलत

येँ (झीगु स्वनिगः)

एकीकृत नेकपा माओवादीया नायः पुष्पकमल दाहाल 'प्रचण्डं' थःिपंसं भारतीय माओवादीयात तालिम ब्यूगु धइगु प्रचार विदेशी हस्तक्षेपया न्हूगु रुप जूगु धयादिल । येँया कलङ्कीइ म्हिगः सुथय् आकाशे ताँया शिलान्यास यानादिसें प्रचण्डं नेपालयात इराक व अफगानिस्तान दयेकेगु षडयन्त्रकथं गलत प्रचार याःगु दावी यानादिल । वय्कलं नेपाली भूमियात विदेशीतय्गु प्रशिक्षण केन्द्र दयेके मबीगु स्पष्ट यानादिल । भारतीय माओवादीयात नेपाली माओवादीं तालिम ब्यूगु धइगु द्वपंया प्रसङ्गयात म्हिगः याःगु तुच्चा ज्याभुवलय् नं स्वाकादिसें नायः प्रचण्डं उकिया छानबिन यायेत सरकारयात इनाप यानादिल । संविधानसभाया थीथी विषयगत समितिया विवाद चीकेत थःगु संयोजकत्वय् नीस्वंगु उच्चस्तरिय कार्यदलं महत्वपूर्ण उपलब्धी प्राप्त याःगु नायः प्रचण्डं स्पस्ट यानादिल । संविधान निर्माणया निितं कार्यदलं सहलह न्ह्याकाच्वनेगु धासें वय्कलं कार्यदलं सकारात्मक सन्देश ब्यूगु धयादिल ।

सार्वजनिक व निजी क्षेत्रया साझेदारिताइ इन्नोभेटिभ प्रािलं रु। २६ करोडया लागतय् उगु ताँ दयेकुगु खः । खुला दुने दयेकेगु ज्या क्वचायेकेगु योजना दयेकातःगु उगु ताँया डिजाइन भौतिक योजना तथा निर्माण मन्त्रालय व येँ महानगरपालिकाया इन्जिनियरतय्सं याःगु खः ।
उगु ताँ दयेकेवं आपालं यात्रुयात वयेवनेगु निितं अपुइगु व सवारी दुर्घटना म्हो जुइगु अपेक्षा याःगु दु ।