डलर कारोबार याःम्ह जेल चलान

चौतारा (झीगु स्वनिगः)

सिन्धुपाल्चोक जिल्ला अदालतं रामेछाप जिल्ला ठॊसे गाविस - २ या स्वीछदँया पूर्णबहादुर मगरयात पुर्पक्षया निितं थुनाय् तयेगु उजं ब्यूगु दु ।
अभियुक्त मगरयात बिगो बराबरया निगू करोड निगू लाख खुइस्वद्वः तका धेबा ६३१।९० धरौटी बुझय् यायेमफयेवं सिन्धुपाल्चोक जिल्ला अदालतया न्यायाधीश वीरबहादुर डागीया इजलाशं उगु उजं ब्यूगु खः । नीजयात २ लाख ७० हजार ३६२ अमेरिकी डलर अवैध रुपं खासा यंकेत स्वःगु द्वपनय् ज्वंगु जानकारी ब्यूगु दु ।
नीजं उगु डलर तिब्बत यंकेत स्वःगु स्वीकार नापं याःगु दु । अभियुक्त मगरयात बा। १ च ६११२ ल्याःया कारय् येँय्पाखें तातोपानीपाखें वनाच्वंगु इलाका प्रहरी ज्याकू बार् हबिसें भदौ २ गते ज्वंगु खः ।

More Stories Like this