निरर्थक निर्वाचनप्रति सर्वोच्चया आपत्ति

लिच्वः पिहां मवइगु प्रधानमन्त्रीया निर्वाचनप्रति सर्वोच्च अदालतं तःधंगु आपत्ति यानाः सभामुख सुवास नेम्वाङ्ग व व्यवस्थापिका संसद्या ध्यान सालाकाःगु दु । प्रधानमन्त्रीया छम्ह जक उम्मेदवार नेपाली कांग्रेसया संसदीया दलया नेता रामचन्द्र पौडेलं अर्थ नि वर्थ जुइक याकःचा चुनावय् ब्वति कयाः नेपाली जनता व विश्वया न्ह्यःने न्हीकेगु ज्या यानाच्वंगु दु । थुगु पृष्ठभूमिइ तःधंगु हे लवः कायेदैगु उद्देश्यं पौडेलयात निर्विरोध प्रधानमन्त्री घोषणा यायेमाः धयागु मागसहित रित तःगुयात कयाः सर्वोच्चया न्यायाधीशिपं कल्याण श्रेष्ठ व गिरिशचन्द्र लालया मंकाः इजलासं म्हीग बुधवाः ध्यान सालाकाःगु खः । संविधानसभा व्यवस्थापिका संसद्या ज्याझ्वः न्ह्याकेगु नियमावली २०६५ या ७ ८ कथं छगू जक प्रस्ताव ल्यं दुसा नं अनन्तकाल तक्क निर्वाचन यानां च्वनेगु धयातःगु दु । िझंखुक्वःगु निर्वाचनलिपा नं लिच्वः पिहां मवइगु जुइवं - न्ह्यानाच्वंगु निर्वाचन प्रकि्रयाप्रति हे तःधंगु न्ह्यसःिचं सर्वोच्चं थनेगु याःगु दु । उलि जकमखु वैकल्पिक व्यवस्था मयासे परिणाम विहीन निर्वाचनयात हे निरन्तरता बीगु नियम छु गुगु आधारं दयेकूगु खः सर्वसाधारण व्यक्तिंनापं न्ह्यसः थनेगु यानाहःगु दु ।

छम्ह जक उम्मेदवार थनाः निर्वाचन यानां च्वनेगु लिच्वः छुं हे पिहां मवइगु खँ निश्चित जुइक जुइक नं प्रस्ताव न्ह्यब्वयां च्वनेगु संसदय् उपस्थित जुयां नं चुनावय् ब्वति मकासे तटस्थ च्वनाः तामाशा स्वयेगु थें गैरसंसदीय हरकत व्यवस्थापिका संसदय् जुयाच्वंगु ज्याखँप्रति नं सर्वोच्चं तःधंगु आपत्ति याःगु दु । सर्वोच्चया गुगु प्रकि्रयां सटहीरुपं स्वयेबलय् सभामुख नेम्वाङ्गया ध्यान सालेगु धाःसां यथार्थय् सभामुखपाखें वैकल्पिक व्यवस्था यायेफु । तर सभामुखं चायेकं सीकं विकल्पपाखे मवंगु खः । सभामुखं कुतः याःगु खःसा नियमावलीइ संशोधन यानाः वर्तमान राजनीतिक निकास पिकाये ज्यूगु खः । तर सभामुखं चायेक चायेकं उखेपाखे मवंगु हे खः । थुगु खँयात आः सर्वोच्चया निर्देशन दयेवं सभामुखं निकासया निितं निश्चित रुपं माःगु पलाः ल्ह्वनीगु हे जुइ ।

संविधानसभाया अध्यक्ष व सभामुखया निगू मू दायित्व दइ । तर व्यवस्थापिका संसदय् नेम्वाङ्गपाखें उलि रचनात्मक व सकि्रय भूमिका म्हिते मपुूगु खँय् धाःसा सर्वोच्चं जकं मखु थीथी राजनीतिक व्यक्तििपंसं नं कुंखिनेगु यानावःगु खः । च्याक्वःगु निर्वाचन प्रकि्रयाय् माओवादी नायः प्रचण्डं उम्मेदवारी लित कायेवं कांग्रेसी उम्मेदवार पौडेलं निर्वाचनं थःगु नां लित कायेमाःगु खः । तर प्रतिगामीया भूमिका म्हितु म्हितुं दिमाग थासय् मलाःिपं कांग्रेसं थुकियात नं राजनीतिक गतिरोध थनेगु अजिवया मौका व अवसर वःगु तायेकाः कामचलाउ सरकारयात हे निरन्तरता बियाः संविधानसभाया दकले तःधंगु पार्टीयात सत्तां पितिनातयेगु व सेना समायोजनया खँ न्ह्यःने तयाः संविधान च्वज्या ध्याक्वय् वांछ्वयेगु ज्या कांग्रेसं यानाच्वंगु स्पष्ट दु । थ्व लोकतान्त्रिक पद्धत्ति व सहमतीय राजनीतिया पाय्छि अःखः खः ।

More Stories Like this