अस्पतालय् प्रहरी हस्तक्षेप बिरुद्ध डाक्टरतपाखें अस्पताल तोडफोड

येँ (झीगु स्वनिगः)

अनसन च्वनाच्वंिपं डाक्टरतय्त हे सशस्त्र प्रहरीं हस्तक्षेप यायेवं डाक्टरत स्वयं हे नेपालगाजया मेडिकल अस्पतालय् तोडफोड यायेगु नापं अस्पताल हे बन्द यानाब्यूगु दु । मध्य तथा सुदूरपश्चिमया हे दक्ले तःधंगु नापं सुविधा सम्पन्न धकाः नालातःगु मेडिकल कलेज अस्पताल कोहलपुरय् हे अथे प्रहरीया हस्तक्षेपय् लानाः डा। सुनिल चौधरी डा। मनिष पाठक डा। जितेन्द्र शर्मा नापं च्याम्ह घाःपाः जूगु दु । म्हिगः विहीवाः प्रहरीं हस्तक्षेप यायेवं उकिया विरुद्ध डाक्टरतय्सं अस्पतालय् तोडफोड यायेगु नापं आकस्मिक सेवा बाहेक अस्पतालया फुक्क हे सेवा बन्द यानाब्यूगु दु ।
प्रहरीं हस्तक्षेप यायेवं प्रहरी व डाक्टरतय्गु दथुइ ल्वापु तकं जूगु खः । उगु अस्पतालय् ज्या यानाच्वंिपं इन्टर्न डाक्टरत पारिश्रमिक अप्वयेकेमाःगु अस्पतालय् सुधार यायेमाःगु नापं १८ बुँदाया माग तयाः डाक्टरत वंगु सोमवाःनिसें आन्दोलनय् क्वहां वःगु खः ।
अथे अनसन च्वनाच्वंिपं डाक्टरतय्त हे प्रहरीं हस्तक्षेप याःगुिलं अनं म्हिगः विहिवाः तनावपूर्ण वातावरण तकं ब्वलंगु खः । उिकं यानाः सलंसः विरामीत प्रभावित जूगु दु । थ्व हे झ्वलय् विष सेवनयाना म्हफुम्ह छम्ह विरामीयात सुनसरीया छगू अस्पतालय् म्हिगः विहिवाः चिकित्सकतय्गु लापरवाहीया कारण सित धकाः पीडित मनूतय्सं अस्पतालय् तालं ग्वयेगु नापं एम्बुलेन्स तकं तोडाफोड यानाब्यूगु दु । म्हिगः सुनसरीया इतहरी लागाया पशुपति मोडेल हस्पिटल एण्ड सेन्टरय् अथे तोडफोड याःगु खः ।
विरामीयात लापरवाही यानाः वासः मयासे सिइ धंुकाः ध्यबा कयाः मेगु अस्पतालय् छ्वःगु धकाः अथे मदुम्हेसिया छेँजःपिन्सं अस्पताल बन्द यानाब्यूगु खः । इमिसं सतकय् तकं प्रदर्शन याःगुिलं यातायात तकं अवरुद्ध जूगु धकाः धाःगु दु ।