माओवादीया ठोस प्रस्ताव

लस्करे तोइबा नाप छुं नं कथंया स्वापू मदुगु प्रचण्डया दावी

येँ (झीगु स्वनिगः)

एकीकृत नेकपा माओवादीया नायः पुष्पकमल दाहाल प्रचण्डं स्वंगू दलया शीर्ष नेतातय्गु गोप्य मुँज्याय् थःपिन्सं शान्ति प्रकि्रयायात निष्कर्षय् थ्यंकेगु निितं ठोस प्रस्ताव यंकागु खँ कनादीगु दु । थःपिन्सं यंकागु उगु ठोस प्रस्तावयात कयाः नेपाली कांग्रेस व एमाले निगुिलं पार्टीं नं गम्भीर व सकारात्मक रुपं काःगु नापं उकिइ सलहल न्ह्यागु दु धकाः नं वय्कलं धयादिल । नेपाल संवत् ११३१ न्हूदँया लसताय् एकीकृत माओवादीं म्हिगः विहिवाः येँय् याःगु तुच्चा ज्याझ्वलय् न्वंवासें नायः प्रचण्डं अथे धयादीगु खः । वय्कलं थःगु नेतृत्वय् संविधानया निितं विवाद जुयाच्वंगु विषयसं ज्यंकेगु निितं दयेकूगु उच्च स्तरीय राजनीतिक कार्यदलं उत्साह जुइक प्रगति याये धुंकूगु दावी यानादिसें आः तकया दुने ३९ गू विवादयात समाधान याये धुंकल धकाः नं धयादिल । भाषा नागरिकताया विषययात कयाः सहमति जुइ धुंकूगु नापं न्यायपालिका सम्वन्धि नं सैद्धान्तिक सहमति जुइ धुंकल धकाः तकं वय्कलं दावी यानादिल ।

थ्व इलय् शान्ति प्रकि्रयायात स्यंकेगु निितं कुतः यानाच्वंगु छुं तत्वत दु धकाः धयादिसें इमिगु म्हगस गबलें नं पूवनी मखु धकाः नं धयादिल । नियोजित कथं छगू तत्वं नेपाःया माओवादीं भारतया माओवादीयात तालिम बियाच्वन धकाः प्रचारप्रसार यानाच्वंगु खँ न्ह्यथनादिसें नायः प्रचण्डं थ्व गम्भीर खँयात कयाः सरकारं अनुसन्धान याये धकाः बचं ब्यूगु दु धकाः नं जानकारी बियादिल । प्रचण्डं धयादिल ुनेपाःया माओवादीं भारतया माओवादीयात तालिम बियाच्वन धकाः धायेगुया नापं छुं नं कथंया स्वापू मदुगु लस्करे तोइबा नेपालय् दु धकाः नियोजित भ्रामक प्रचार यानाच्वंगु दु । नेपाःमि जनतात तसकं सचेत जुइ धुंकूगु दु धकाः धयादिसें प्रचण्डं नेपाल संवत् ११३१ न्हूदँय् नेपाःमि जनता छप्पँ जुयाः न्हूगु नेपाः दयेकेगु निितं न्ह्याः वने फयेमा धकाः िभंतुना नं बियादिल । उगु तुच्चा ज्याझ्वलय् माओवादीया नेता कार्यकर्तात नापं थीथी राजनीतिक दलया नेता कार्यकर्ता कुटनीतिक नियोगया मनूत थीथी ख्यःया न्ह्यलुवाःत नं उपस्थिति जूगु खः ।