न्हूदँया लसताय् बागलुङ्गय् शान्ति ब्वाज्या कासा
नेपाल संवत् ११३१ न्हूदँया लसताय् बागलुङ्गय् शान्ति ब्वाज्या कासा जूगु दु । नेवाः विद्यार्थी दबू, बागलुङ्गया ग्वसालय् बागलुङ्ग जिल्लाया प्रमुख जिल्ला अधिकारी केशवराज घिमिरे व न्हूदँ समारोह समितिया कजि महेशचन्द्र प्रधानजुं शान्तिया प्रतीक बखुं ब्वयेका थुगु ब्वाज्या कासाया मंकाः उलेज्या यानादीगु खः ।
शान्ति ब्वाज्या कासाय् दिपेश के.सी. न्हाप, राजन भण्डारी ल्यू व सन्तोष क्षेत्री लियांल्यू लाःगु खः । नेवाः विद्यार्थी दबूया नायः अनिष श्रेष्ठया सभापतित्वय् जूगु छगू सभाय् दबूया मूदुजः दिप राजभण्डारीं लसकुस यानादीगु खःसा शान्ति ब्वाज्या कासा व्यवस्थापन समितिया कजि सुनित वज्राचार्यं न्ह्याकादीगु खः ।
मोटरसाइकल र् याली
अथेहे बागलुङ्ग जेसीजया ग्वसालय् नेपाल संवत् ११३१ न्हूदँयात लसकुसयासें मोटरसाइकल र् याली नं पिदंगु खः । सरकारी ज्याखँय् नं थ्व संवत् छय्लादीत सरकारयात इनाप यासें न्ह्याकूगु थुगु ज्याझ्वलय् बागलुङ्ग जेसीजया जिल्ला नायः संदीप राजभण्डारीं लसकुस यानादीगु खःसा कजि महेशचन्द्र प्रधान व निरज शाक्यं नुगःखँ तयादीगु खः ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
