मस्तय्गुविरुद्ध हिंसा सम्बन्धी बैठक
येँ (झीगु स्वनिगः)
मस्तविरुद्धया हिंसा अन्त्य सम्बन्धी दक्षिण एशियाया न्हापांगु कार्यकारिणी बोर्ड बैठक म्हिगःनिसें येँय् न्ह्याःगु दु ।
निन्हुतक न्ह्याइगु बैठकया उलेज्या यानादिसें मिसा मस्त लिसे समाजकल्याण मन्त्री सर्वदेवप्रसाद ओझां नेपाल सरकारं मिसा व मस्तविरुद्धया हिंसा अन्त्यया नितिं थीथी ऐन व नीति लिसे ज्याभुवः निर्माण यानाः कार्यान्वयन यानाच्वंगु जानकारी बियादीगु दु ।
बोर्ड बैठकय् दक्षिण एशियाली राष्ट्रया सरकारी प्रतिनिधि मस्त नागरिक समाज व अन्तर्राष्ट्रिय एजेन्सीया प्रतिनिधिपिनिगु ब्वति दुगु खः ।
