प्रहरीया सकि्रयता क्यासिनो साचालकविरुद्ध मुद्दा

येँ (झीगु स्वनिगः)

कामपा - ३५ छाप्रोय् च्वनीपिं सन्तोष बजगाईं व सानोथिमिसं च्वनाः वयाच्वंम्ह इटहरीया आष्तोष राईयात धाः दुगु ल्वाभःपाखें दाःगुलिं प्यम्ह अभियुक्ततय्त म्हिगः प्रहरीं ज्वंगु दु । ज्वंपिं छाप्रोसं च्वनाः वयाच्वंपिं २२ दँया रवीन बैजु १७ दँया जीवेश कार्की १७ दँया सन्तोष रावत व २० दँया तेजमणि कार्की खः । उमिसं थ्वहे कात्तिक २१ गते सुथय राई व बजगाईंयात छुरा प्रहार यानाः घाःपाः यानाब्यूगु खः ।

थ्वहे दथुइ चाबहिल सरस्वतीनगरया स्याङ्जा सेकुवा कर्नर न्ह्यःने श्यामकुमार रेग्मी मगरया कात्तिक १७ गते दायाः बिस्युं वनाच्वंपिं अभियुक्तिपंत म्हिगः हे प्रहरीं ज्वंगु खः ।

ज्वंपिं मध्ये सरस्वतीनगरय् च्वनीम्ह ३२ दँया देव लामा व ओखलढुङगासं छेँ दुम्ह थौंकन्हय् सरस्वती नगरय् च्वनाः वयाच्वंम्ह २७ दँया साजीव गुरुङ खः । घाःपाः जूम्ह मगर वासः यायेगु भुवलय् कात्तिक १८ गते त्रिवि शिक्षण अस्पतालय् मदुगु खः । अथेहे गैरकानूनीरुपं क्यासिनोय् जू म्हितेगु नितिं नेपाली दुछ्वःपिं न्याम्ह साचालकदथुइ जू मुद्दाय् प्रहरी परिसर हनुमानढॊकाय् म्हिगः मुद्दा दायर जूगु दु । प्रहरीयाकथं एभरेस्ट क्यासिनोया साचालक टिआर भट्ट क्यासिनो नेपालया महाप्रबन्धक भरतकुमार शाक्य क्यासिनो अन्नाया साचालक रामकृष्ण चक्रथर क्यासिनो ताराया महाप्रबन्धक मनोज सुवेदी व क्यासिनो रोयलया महाप्रबन्धक शैलेन्द्रकुमार राणाविरुद्ध मुद्दा दायर याःगु खः । उमित गैरकानूनीरुपं क्यासिनोय् नेपालीिपंत जू म्हितके ब्यूगु द्वपं दु ।

थ्वहे दथुइ थीथी क्यासिनोपाखें जू म्हिताच्वंगु अवस्थाय् नीच्याम्ह नेपाःमिपिंत प्रहरीं ज्वनाः अनुसन्धान यानाच्वंगु दु ।

दरबारमार्गय् दुगु रोयल क्यासिनो अन्ना क्यासिनो ठमेलय् दुगु मल्ल क्यासिनो बानेश्वरय् दुगु एभरेस्ट क्यासिनो व बौद्धय् दुगु तारा क्यासिनोय् दुहाँ वनाः जू म्हिताच्वंगु अवस्थाय् उिपं नेपाःमिपिंत ज्वंगु खः ।
उमित अवैधरुपं क्यासिनो दुकयाः जू म्हिताच्वंगु अवस्थाय् महानगरीय प्रहरी परिसर येँया पुचलं ज्वंगु खः । स्वनिगःदुने दुगु क्यासिनोय् गैर कानूनीरुपं नेपाःमिपिंत दुकयाः जू म्हितकेगु ज्यायात निरुत्साहन यायेत महानगरीय प्रहरी परिसर येँ लिसे मातहत लिसे प्रहरी पुचः परिचालन जुयाः प्रत्येक क्यासिनोय् छापा मारय् यानाः अवैधरुपं दुहाँ वनीपिं नेपाःमिपिंत ज्वनाः अनुसन्धान जुयाच्वंगु प्रहरी परिसर येँपाखें जानकारी ब्यूगु दु ।