पर्यटकतय्त न्यान्हुया प्याकेज

काचनपुर (झीगु स्वनिगः)

पर्यटन दँ २०११ य् काचनपुरया भ्रमणय् वईपं पर्यटकतय्त चाःहिलेगु व च्वनेगु प्रबन्धया उचित व्यवस्था दुगु व्यवसायीतय्सं धाःगु दु ।

काचनपुर उद्योग वाणिज्य सङ्घं पर्यटन दँ २०११ य् पश्चिमी सीमानाय् गड्डाचौकीपाखें नेपाः दुहाँवइगु भारत लगायत स्वंगूगु देय्या पर्यटकतय्त न्यान्हु काचनपुरया प्राकृतिक लिसे धार्मिक क्षेत्रय् चाःहीके फइगु नापं जानकारी ब्यूगु दु ।

पर्यटकतय्त थनया पर्यटकीय स्थलयारुपं दुगु एशियाया हे ताःहाकःगु ताँ साकेत धाम शुक्लाफाँटा वन्यजन्तु आरक्ष ब्रम्हदेव झिलमिला वेदकोट व राणा संस्कृति दुगु पुलांगु गाँ शङ्करपुर चाःहीके फइगु सङ्घया कार्यकारी अधिकृत प्रेमिसंह भाटं धयादिल ।

निला लिपा न्ह्याइगु पर्यटन दँ २०११ या काचनपुरय् औपचारिक रुपं घोषणा जुइ ल्यं दिन । व्यवसायीतय्सं पर्यटन दँ हनेत स्थानीय विकास अधिकारीया नायःसुइ नीस्वंगु कार्यदलं पर्यटन दँ घोषणाया नितिं काचनपुरयात बेवास्ता याःगु नुगः खँ प्वंकुगु दु ।

More Stories Like this