प्यंगू शहरयात मेट्रोसिटीया कथं विकास

बुटवल (झीगु स्वनिगः)

नेपाल नगरपालिका सङ्घं देय्या मुख्य प्यंगू शहरयात मेट्रोसिटीया रुपं विकास यायेमाःगु प्रस्ताव बहसय् हःगु दु । सहरीकरणया व्यवस्थापन यानाः दिगो विकासया लिसलिसे आर्थिक व पर्यटन प्रवद्र्धनया नितिं नापं मेट्रोसिटीया अवधारणा उपयुक्त जूगु धासें सङ्घं थज्याःगु अवधारणा न्ह्यःने न्ह्याकूगु खः । सङ्घया प्रस्तावय् स्वायत्त प्रदेशया मातहतय् च्वनीगु कथं मेट्रोसिटी दयेकेगु व उकिइ नगरपालिका गाविस लिसे वडाया अस्तित्व न्हापा थें हे जुइकथं न्ह्यथनातःगु दु । मेट्रोसिटीया संवैधानिक व्यवस्था जुइमाःगु विषय प्रस्तावय् न्ह्यःथनातःगु दु । शहर लिसे सहरोन्मुख क्षेत्रयात कःघानाः मेट्रोसिटीया रुपं विकास यायेबलय् निश्चित स्थानया सहरीकरणया विकास व व्यवस्थापन एकीकृत ढङ्गं प्रभावकारी व उदाहरणीय जुइगु जूगुलिं थज्याःगु प्रस्ताव न्ह्यःने हःगु नेपाल नगरपालिका सङ्घया दुजः लिसे बुटवल नगरपालिकाया पूर्व प्रमुख भोजप्रसाद श्रेष्ठं धयादिल ।

नेपालय् मेट्रोसिटीया आवश्यकता सम्भावना व हाथ्याया विषयलय् बुद्धिजीवी कल्याण रोक्कां यानादीगु अध्ययन प्रतिवेदनय् सहलह यायेत म्हिगः रुपन्देहीया मणिग्रामय् ग्वसाः ग्वःगु अन्तकिर््रया ज्याभुवलय् वक्तां मेट्रोसिटीया अवधारणा तसकं हे सकारात्मक दुगु धयादिसें नगर लिसे नगरोन्मुख क्षेत्रया एकीकृत विकासया नितलं थ्व प्रस्ताव प्रभावकारी जुइगु बिचाः तयादिल ।

उमिसं राज्यया पुनःसंरचनाया भुवलय् स्वायत्त राज्यया विस्तृत घोषणालिसे मेट्रोसिटीया नं घोषणा यायेमाःगु धयादिल । रुपन्देहीया राजनीतिक दलया प्रतिनिधि बुद्धिजीवी पूर्व नगर प्रमुख पूर्व नगर लिसे जिविसया पदाधिकारी लिसे विज्ञ प्राविधिक लिसेया ब्वति दुगु छगू अन्तक्रिया ज्याझ्वलय् वक्तां जनसङ्ख्याया मापदण्डया आधारय् जक नगरपालिका दयेकेगु प्रकि्रया क्वःचायेकेमाःगु जानकारी नापं उगु हे ज्याझ्वलय् धयादिल ।

ज्याभुवलय् थःगु अध्ययन प्रतिवेदन न्ह्यःब्वयादिसें बुद्धिजीवी रोक्कां फुक्क गाँयात शहर दयेकाः विकास सम्भव मदुगुिलं गाँयात गाँया हे रुपं व शहरयात शहरया हे रुपं विकास यानाः यंकेमाःगु बिचाः तयादिल । येँ किपू यल ख्वप लिसे छुं छुं गाविसयात स्वाकाः स्वनिगः स्वायत्त मेट्रोसिटी विराटनगर धरान इटहरी लिसे दथुया लागायात नापं स्वाकाः विराट स्वायत्त मेट्रोसिटी सिद्धार्थनगर बुटवल लिसे दथुइ लाःगु गाविसयात स्वाकाः सिद्धार्थ स्वायत्त मेट्रोसिटी लिसे पोखरा लेखनाथ व जःखःया गाविसयात स्वाकाः पोखरा स्वायत्त मेट्रोसिटी दयेकेमाःगु प्रस्ताव वय्कलं तयादिल ।
अथेहे मेट्रो उन्मुखय् काभ्रे भ्याली भरतपुर घोराही व नेपालगाजयात नं प्रस्ताव यानातःगु दु । संसारया गुलिखय् देशय् मेट्रोसिटी व स्वायत्त प्रदेश समानान्तर सङ्घयारुपं नापं विकास जूगु कारण सम्भावित स्थलयात आः थुकिया आधारय् न्ह्यःने न्ह्याकेत ज्याभुवलय् सुझाव ब्यूगु खः । नेपालय् थज्याःगु सिटी सङ्घीय राज्यया मातहतय् च्वनेगु उकिया मातहतय् गाविस लिसे नगरपालिका नं च्वनीगु कथं स्वायत्त मेट्रोसिटी दयेकेत उपयुक्त जुइगु सुझाव ज्याभुवलय् ब्यूगु दु ।

ज्याभुवलय् सभासद् नेत्र पन्थीं संसारय् मेट्रोसिटीया नामं आपालं विकास जूगु कारण झीगु देशय् नं विस्तृत व गम्भीर अध्ययन यानाः मेट्रोसिटीया अवधारणालिसे हे न्हूगु संविधानय् थुकिया व्यवस्था यायेमाःगु धयादिल । एकीकृत नेकपा माओवादीया वसन्त श्रेष्ठ नेपाली कांग्रेसया सूर्यप्रसाद प्रधान नेकपा एमालेया शिव सुवेदी मधेशी जनअधिकार फोरमया दयाशङ्कर गुप्ता उद्योगीत महेन्द्रनारायण श्रेष्ठ शङ्कर श्रेष्ठ बुद्धिजीवी कपिलदेव लामिछाने विमलबहादुर शाक्य लगायतं मेट्रोसिटीया अवधारणा सकारात्मक जूसां नं भौतिक पूर्वाधार कःघाइगु क्षेत्र सार्वजनिक व खाली जग्गा चिडियाखाना पार्क दयेके फइगु थाय् आर्थिक श्रोत लगायतया विषयलय् गम्भीर अध्ययन यानाः जक न्ह्यःने न्ह्यायेत सुझाव ब्यूगु खः ।
थ्वहे दथुइ रुपन्देहीइ बुटवल लिसे सिद्धार्थनगर नगरपालिका लिसेया िझंखुगू गाविसयात कःघानाः सिद्धार्थ मेट्रोसिटी दयेकेगु सङ्घया प्रस्तावयात संशोधन यायेत ब्वति दुिपंसं इनाप नापं यानादिल ।

More Stories Like this