नेपाल सम्वत्यात छयलाबुलाय् हयेमाल

- पुष्परत्न ताम्रकार - 'स्वीटहर्टू'

हरेक दँया कछलाथ्व पारु कुन्हु न्हूदँ क्यनाः नेपाल सम्वत् हिली । इतिहास वँखँ कथं जुजु राधवदेवया पालय् शंखधर साख्वाः धैम्ह छम्ह मनुखं त्यासा कयातःिपं जनतातय्सं उगु त्यासा पुलेमफयाः तसकं आकुल ब्याकुल जुयाच्वंगु इलय् अमिसं कयातःगु त्यासात दक्वं पुलाः थुगु न्हि कुन्हु त्यासां मुक्त यानाब्यूगु धाइ । धात्थें धायेगु खःसा थ्व न्हियात 'मुक्ति दिवस'धकाः धाःसां पाइमखु । अले थ्वहे त्यासां मुक्त जूगु लसताय् थ्व न्हि कुन्हु शंखधर साख्वालं थःगु व्यक्तिगतया नामं मछयसे निस्वार्थ भाव ब्वलंकाः नेपाल देशया नामं हे नेपाल सम्वतू धकाः नीस्वंगु धाइ । तर थ्व खँ गुिलं पाय्छिगु खः गुलि पाय्छि मखुगु खः वला इतिहासं कनी । वला द हे दिन । वर न्ह्याग्गु थजु झीसं थौं तकं नं वकुन्हु न्हिनिसें न्हूदँ धकाः हनावया च्वनागु दुसा नेपाल सम्वत् धकाः नं मानय् यानावयाच्वना । मानय् याना वयाथें तःदँ न्ह्यवनिसें नेपाल सम्वत्यात सरकारी मान्यता बीकेगु ताः तयाः नेपाल सम्वत् राष्ट्रिय सम्वत् सरकारं मान्यता बीहे माः बाय् सरकारी मान्यता दये हे माः धकाः न्हूदँ क्यंगु लसताय् न्ह्याना वयाच्वंगु साँस्कृतिक जुलुसय् ितंितं न्हुयाः सःहे सुक्क हालाः नारात नं थ्वयेका वयाच्वना । अले नेपाल सम्वत्यात सरकारी मान्यता बीकेगु ताः तयाः सः सुक्क हाला जुया थें वःदँ लिपा हे जूसां सरकारं नेपाल सम्वत्यात सरकारी मान्यता विहे बिल । थ्व तसकं लसताया खँ नं खः । गुिकं यानाः झीसं गर्व न्हाय् तपुइके खनसा झीसं तातुनागु आज्जु नं पूवन धाःसां ज्यू । उिकं सरकारयात सुभाय् मब्युसें मगाः । झीसं तःदँ न्ह्यवनिसें सरकारी मान्यता कायेया निितं हे दच्छिइ छक्वः थथे सर्गः थ्वयेक नारात थ्वयेका वया च्वनागु खः ।

तर झीगु आज्जु पूवन धाःसां विडम्वनाया खँला थ्व जुयाविल कि अप्वः यानाः झी नेवाःतय्सं हे थुगु नेपाल सम्वत्यात धाःसा नालाः उलि छयलाबुलाय् हयाच्वंगु खनेमदु । खालि वहे भारतं वःगु विक्रम सम्वत्यात जक छ्यलाः छ्यलाबुलाय् हयाच्वंगु दु । थ्व तसकं दुर्भाग्यया खँ खः । छाय् धाःसां भारतं वःसां भारतं हे मछयःगु विक्रम सम्वत् झीसं छय्ला च्वंगु दु । थथे यायेगु तसकं दुःखया खँ खःसा तसकं मछालापुसे च्वंगु नं खँ खः । थःगु हे नेपालया नामं दयाच्वंगु सम्वत्यात नालाः मछ्यसे अवुजु मल्युसे ब्वाःजु लिनाः व गनं गनं वःगु विक्रम सम्वत्यात छयले धैगु गन थ्यंगु खँ खः थुकि गम्भीर रुपं विचाः याये माःथें च्वं । सरकारं मान्यता मब्यूतले बीकेत ताःतयाः सःसुक्क सर्गः थ्वयेक नारा थ्वयेकेगु हं आः विलं नं सुनांनं नालाः मछयलेगु धैगु पाय्छिगु खँ खःला थथे मान्यता बिलं नं मछ्यले बलय् ूमाकःया ल्हाःतय् फ्वंसिू धैथें जू वना च्वंगु दु । थ्व खँय् सुनांनं ध्यान बियाः बिचाः याःला उिकं थ्व खँय् नेवाःतय्सं वाः चायेके माःगु खनेदु । मू न्ह्यसःला थन थ्वहे दं वयाच्वनकि मान्यता दतं नं मान्यताकथं नेपाल सम्वत्यात छाय् मछ्यःगु छु जुयाः छ्यले मफया च्वंगु खः अले छु हुिनं छयला बुलाय् हयेत लिकुना च्वंगु खः थुकिया यथार्थ खँ सीकाः क्ववालेमाःगु नितान्त आवश्यक खनेदु । झीसं दँ दँ पतिकं छु ताः तयाः छु आज्जु ज्वनाः थथे हाला वयाच्वना छाय् थथे सः थ्वयेका वयाच्वना म्हाइपुयाः न्ह्याइपुकेया िनंितं जकला पक्कां नं मखु । झीसंला हलिमय् सुं देय्नाप ज्वः मलाःगु सुयां देय्या नामं नी स्वना तःगु मदुगु तर थ्वहे छगू जक देय्या नामं नीस्वमा तःगुिलं थुकियात नेवाःतय्गु जक सम्वत् मखसे राष्ट्रया हे सम्वत् जुइमाः धैगु ताः तयाः हालावया च्वनागु खः । धायेगु खःसाला थ्वला ब्याक्क नेपाः गालय् च्वंिपं नेपाःमितय्गु सम्वत् खः ।

अथे धकाः नं धयावया च्वनागु दु । उिकं नेपाल सम्वत्यात झी सकसिनं नं छ्यलाबुलाय् हयाः मान्यता ब्यूकथं छयले सयेके माल । थ्वहे जिगु मू धापू खः । धात्थें झीसं थथे सरकारी मान्यता बिलं नं नेपाल सम्वत्यात हाकुतिनाः खालि वहे विक्रम सम्वत्यात जक दुतिना च्वनेबलय् थुिपंला खँ जक ल्हाना जुईपं ज्या मयाईपं म्हुतुसि स्वयाः वा पिहाँ वःिपं धकाः मेमेपिसं मधाइला अले झीत अज्याःपिसं गुज्याःगु मिखाकुिलं स्वइ थ्व खँय् बांलाक दुवालाः स्वयेमाःगु दु । नत्र व खस ब्रम्हुतय्सं नं बेर दैमखु । अथे जूगुिलं झीसं होस यायमाः ध्यान बी माः । अले झीसं नं थथे नेपाल सम्वत्यात छ्यलाबुलाय् महयेबलय् तःदँ न्ह्यव निसें ूनेपाल सम्वत् राष्ट्रिय सम्वतू धकाःसः थ्वयेका वयाच्वनागुया मू हे छु दत छु अर्थ दत अथे जूगुिलं विक्रम सम्वत्यात मछ्यसे सकल नेपाःमिपिसं नं आत्मा साक्षी तयाः वाय् थःगु नुगपाय् थःगु ल्हाःपा तयाः शंखधर साख्वालं नीस्वना थकूगु नेपाल सम्वत्यात हे हयेमाल । नत्रसा मान्यता मब्यूतले ूमान्यता बी हे माःू धकाः हालेगु बिलं नं मछ्यलेबलय् नँ न्याः या वा मगाःू धैथें जक जू वनी । यदि अथे नेपाल सम्वत्यात छ्यलाबुलाय् महयेगु खःसा छाय् दँ दँ पतिकं ितं ितं न्हुयाः सः सुक्क मेमेपिन्त किसिया वा क्यने थें हाः वनेगु सुम्क म्हुतुइ पाकां सुया च्वंसां जिल ।

More Stories Like this