दलतय् खँ मिलेमजुल बैठक थ्वहे २९ गते

येँ (झीगु स्वनिगः)

पंगः क्वचायेकेगु शान्ति प्रकि्रया व बजेटया विषयसं प्याकेजय् सहमति यायेगु उद्देश्यं मू स्वंगू दलया बैठक येँया गोकर्ण रिसोर्टय् च्वंगु म्हिगःया बैठक छुं ई न्ह्यः क्वचाःगु दु । म्हिगःया बैठक नं लिच्वः विहीन जूगु दुसा मेगु बैठक थ्वहे वइगु २९ गते जुइगु जानकारी ब्यूगु दु ।
सुथसिया झिताः ईलिपा न्ह्याःगु बैठक विशेष यानाः बजेट हयेगु विषयलय् केन्द्रित जूगु नेतातय्सं जानकारी ब्यूगु दु ।
काङ्ग्रेस नेता कृष्णप्रसाद सिटौलां म्हिगःया बैठकय् छु नं छगू विषयसं सहमति जुइगु जानकारी बियादीगु खः । वय्कलं सहमति जुइगु विषयबारे स्पष्ट यानामदिसां नं बजेट हयेगु विषयलय् दलत सहमति लिक्क थ्यंगु बैठक स्रोतं दाबी याःगु दु ।
थ्व स्वयाः न्ह्यः येँया सेतीदेवी गाविस-१ सं च्वंगु हात्तीवन रिसोर्टय् निन्हुतक्क न्ह्याःगु बैठक ठोस सहमति विना क्वचायेवं दलत म्हिगः हाकनं निगूगु चरणया सहलहसं न्ह्याःगु खः । दलतदथुइ विशेषयानाः शक्ति बाँडफाँट व शान्ति प्रकि्रयाया विषयलय् खँ क्वःछिउगु मदुिन ।
बैठकय् प्रधानमन्त्रीलिसे एकीकृत नेकपा माओवादी नेपाली काङ्ग्रेस व नेकपा एमालेया शीर्ष नेतापिनिगु ब्वति दुगु खः । न्हिच्छियंकं पत्रकारतय्त बैठकस्थल स्वयाः छगू किलोमिटर ताःपाक्क हे पंगुिलं गोकर्ण रिसोर्टदुने दुहाँवने मफुगु खः । बैठकस्थल जःखःया सुरक्षा व्यवस्था नं तच्वयेकूगु खः ।