न्हूदँया लसताय् थौं माओवादीया तुच्चा

येँ (झीगु स्वनिगः)

नेपाल सम्बत् ११३१ न्हूदँ क्यंगु लसताय् एकीकृत नेपाल कम्युनिष्ट पार्टी माओवादी केन्द्रीय समितिया ग्वसालय् थौं न्हिनसिया २:०० ता: इलय् येँया भृकुटी मण्डपय् िभंतुना कालविल व तुच्चा ज्याझ्वः जुइगु जूगु दु । थ्यंमथ्यं झिद्वलं मल्याकया उपस्थिति दइगु अनुमान यानातःगु उगु ज्याझ्वलय् संविधानसभाय् दुथ्याःगु थीथी पार्टीया नेतात सभासद् कुटनीतिक नियोगया पदाधिकारी ब्यवसायी उद्योगपति संबैधानिक निकायया पदाधिकारी सुरक्षा निकायया प्रमुख पत्रकार साहित्यकार राजनीतिक व सामाजिक कार्यकर्तापिसं ब्वति कयादी धकाः धाःगु दु । ज्याझ्वः भृकुटी मण्डपया स्वांक्यबय् जुइगु व व्यवस्थित यायेत स्वांक्यबया दक्षिण ध्वाखां दुहां वनेगु व पश्चिम ध्वाखां पिहां वनेगु जुइ धैगु जानकारी वःगु दु ।
उकिया निितं िझंनिगू थासय् स्टलय् च्वनेगु व्यवस्था जुइगु व छु स्टलय् सुयात लसकुस यायेगु धैगु खँ लुखां दुहावनेवं हे खनेदयेक नक्शा नापं तयेगु जुइ धैगु खँया जानकारी उकिया निितं व्यवस्थापनय् खटे जुयाच्वंम्ह छम्ह कार्यकर्ता ब्यूगु दु ।
माओवादी नेतृत्वया सरकारं नेपाल सम्बत्यात राष्टिूय सम्बत्या घोषणा याःगु दँ निसें एकीकृत माओवादीया केन्द्रीय समिितं नेपाल सम्बत् न्हूदँया लसताय् िभंतुना कालबिल व तुच्चा ज्याझ्वः यानावयाच्वंगु दु । नेपाली कांग्रेस व एमालें मोहनिया लसताय् चियापान ज्याझ्वः यानावयाच्वंगु दुसा नेपाल सम्बत्या लसताय् माओवादी व एमालेया स्थानीय कमिटीतय्सं स्वनिगलय् थुकथंया ज्याझ्वःत यानावयाच्वंगु दु ।
देय्या दकसिबे तःधंगु पाटीर् थुकथं नेपाल सम्बत्यात राष्ट्रिय सम्बत् कथं मान्यता बिइमाः धैगु आन्दोलनयात तिबः बियावयाच्वंबलें आन्दॊेलनकारीतय्सं थुकिया लबः काये फयेकेमाःगु चर्चा थीथी ख्यलं यानाहःगु दु ।
माओवादीया केन्द्रीय समिितं थुगुसिइ नेपाल सम्बत्या क्यालेण्डर पिथनाः वितरण यानाच्वंगु नं जानकारी वःगु दु ।