सतकं संविधान घोषणा जुइ : दिवाकर
ख्वप (झीगु स्वनिगः)
एकीकृत नेकपा माओवादीया छ्यााजे पोष्टबहादुर बोगटीं संविधानसभां संविधान घोषणा मयाःसा जनतां सतकं न्हूगु संविधान घोषणा याइगु ख्याच्वः बियादीगु दु । न्हूदँ नेपाल सम्वत् ११३१या लसताय् नेवाः राष्ट्रि मुक्ति मोर्चा नेपाः व नेवाः मुक्ति मंकाः दबूया एकता संयोजन समिति ख्वपया ग्वसालय् म्हिगः बुधवाः जूगु िभंक्तना कालबिल ज्याझ्वलय् नेता बोगटीं संविधानसभां संविधान घोषणा मयाइगु अवस्थाय् जनतां सतकं संविधान घोषणा याइगु इलय् माओवादीं नेतृत्व याइ धकाः धयादिल । वय्कलं देश संघीयताय् वनेधुकूगु जूसां कांग्रेस संघीयताया विरोधी कथं अले एमाले ढुलमुले जुयाच्वंगु धयादिसें संघीय राज्य व राजनीतिक निकासया निितं हाकनं संघर्षया अवश्यकता दु धयादिल ।
मोर्चाया संयोजक कृष्णलाल गोजा श्रेष्ठया सभापतित्वय् जूगु उगु ज्याझ्वलय् नेवाः मोर्चाया केन्द्रीय नायः हितमान शाक्यं थीथी पार्टीतय्सं भौगोलिक कथं जक राज्यत दयेकेगु कुतः यानाच्वंगुया विरोधयासें नेपाःया थीथी जाति भाषा समुदाय क्षेत्र दलितया समस्या समाधान यायेगु निितं आत्मनिर्णय सहित स्वशासन आवश्यक जूगुिलं थःपिसं जनताया अधिकारया पलिस्थाया निितं ल्वायेगु धयादिल ।
नेवाः मोर्चा ख्वप जिल्लाया नायः सुनिल बासुं न्ह्याकादीगु उगु ज्याझ्वलय् नेवाः किराँत तामाङतय्गु थीथी साँस्कृतिक ब्वज्या नं न्ह्यब्वःगु खः ।
