टोखा- छहरे सतकय् शंका
येँ (झीगु स्वनिगः)
येँया टोखा व नुवाकोटया छहरेफेदीतक्कया सतक लँपुइ कालोपत्रे यायेत विनियोजित बजेट सदुपयोग जुइगु खँय् शङ्का प्वंकुसें थानापति सेवा समाजं सतकया निगरानी याइगु जूगु दु । नुवाकोटया थानापतिबासीपाखें गठित समाजं स्वन्तिया लसताय् म्हिगः ग्वसाः ग्वःगु छगू तुच्चा ज्याभुवलय् ब्वति दुगु भेलां सतकया निगरानीया निितं सरोकार समिति गठन यायेगु निर्णय याःगु दु । सरकारी बजेटय् करिब ४० किलोमिटरया उगु सतकया कालोपत्रेया निितं रु. ६० करोड रकम विनियोजन याःगु दु ।
समाजया नायः होमनाथ थपलियां प्रविधिक नापं दुगु टोली गठन यानाः सतकया निगरानी यानाः निर्माणय् छु नं कमजोरी दुसा िभंकेत नागरिक दवाब बिइगु धयादिल । समाजया सल्लाहकार लिसे नेपाली कांग्रेस नुवाकोटया नेता बाबुकाजी पाठकं विकासया ज्याय् पार्टीगत राजनीति स्वयाः च्वय् दनाः न्ह्यःज्यायेत सुझाव बियादिल ।
भेलां थानापति देगःया धार्मिक व पर्यटकीय महत्व अप्वइगु कथंया ज्याभुवः व प्रकाशन यायेगु निर्णय याःगु समाजया छ्यााजे प्रेम सिलवालं जानकारी बियादिल । वंगु दँ गठित समाजया सल्लाहकारय् नेकपा एमाले नुवाकोटया नायः लिसे पूर्व सांसद् राजेन्द्रप्रकाश लोहनी नं दुगु खः । समाजं निकट भविष्यय् हे थःगु अधिवेशन यायेगु नापं उगु हे ज्याभुवलय् जानकारी ब्यूगु दु ।
