अप्पाया मूल्य वृद्धि जुइगु

विराटनगर (झीगु स्वनिगः)

पत्थर कोइलाया ढुवानीइ भारतया आसाम सरकारं कडाई यायेधुंकाः अप्पाया मूल्यय् प्रतिहजार निद्वः तका तक वृद्धि जुइगु जूगु दु । आःतक्क १० पाङ्ग्रे ट्रकपाखें ४५ टनतक्क पत्थर कोइला क्वबुयाः हयाःच्वंगुलिइ आसाम सरकारं कडाई यानाः प्रति ट्रक १५ टनतक्क क्वबुके बिइवं कोइलाया ढुवानी लागतय् प्रतिटन रु ५०० तका वृद्धि जूगु दु । कोसी अप्पा व्यवसायी सङ्घयाकथं कोइला भारतया आसमस्थित मोघाइ गाँ व जोगी गुप्पापाखें नेपाःया मेची भन्सारतक्क ढुवानी लागत तसकं हे थिके जुइवं अप्पाया मूल्य वृद्धि यायेत व्यवसायीत बाध्य जूगु दु ।
अरुण अप्पा उद्योगया साचालक ज्ञानेन्द्र खत्रीं ४५ टनतक्क क्वबुयाः वइगु ट्रकय् ढुवानी लागतय् म्हो खर्च जुइगु यानाच्वंगुलिइ १५ टन क्वबुयाः रु. सात हजार तका स्वयाः अप्वः लागत बृद्धि जूगु धाःगु दु । अथेहे कचिगु अप्पा दयेकीगु मजदुर ज्याला नं २५ प्रतिशततक्क वृद्धि जूगु कारण अप्पाया मूल्य वंगु दँ स्वयाः थुगु दँ प्रति हजारय् रु दुई हजारतक्क वृद्धि यायेगु तयारी जुयाच्वंगु वय्कलं जानकारी बियादिल ।

नेपालय् कचिगु अप्पा दयेकीिपं मजदुरतय्गु अभावया कारण पूर्व क्षेत्रय् साचालित ५० स्वयाः आपालं अप्पा भट्टां भारतया पश्चिम बङ्गालया कुचबिहारपाखें मजदुर हयेगु यानाच्वंगु दुसा उिपं मजदुरत स्वलातक्क भट्टाय् ज्या यानाः लाखौं कचिगु अप्पा उत्पादन याइ । कोसी अप्पा व्यवसायी सङ्घया दुजः मुरारी रेग्मीं कोइलाया ढुवानी मूल्य व मजदुरया ज्याला वृद्धिलिसे अप्पाया मूल्य वृद्धि यायेत व्यवसायीतय्सं दबाब बियाच्वंगु जानकारी बियादिल ।

More Stories Like this