छगू गांपाखें स्वंगू करोडया ग्वय्स्वाँ मिल

ख्वप (झीगु स्वनिगः)

नेपाःमितय्गु निगूगु तःध।गु नखः स्वन्ति खुन्हु ख्वपया छगू हे गाँपाखें स्वंगू करोडया ग्वय् स्वाँमाः म्यूगु दु । गुण्डु गाविसया किसानं थुगु दँ स्वाँ व स्वाँमाः मियाः स्वंगू करोडया आम्दानी जूगु धयादिल । मीगु निितं छेँ छेँय् साउननिसें हे ग्वय् स्वाँमाया माः हनाः तयारी अवस्थाय् तयातःगु खः । माः हनेत किसानतय्त कात्तिक महिना ज्वःछि लिमलाःफमलाः जूगु खः । ख्वपया गुण्डुइ दकले अप्वः स्वाँया खेती जुइ । थनया किसानतय्सं छखा हे छेँय् म्होिनं ५०० माः हनाः तयार याइ ।

गुण्डुया ४ ८ व ९ वडाया प्रत्येक छेँखां म्होिनं बागू रोपनीनिसें न्यागू रोपनी बुँइ स्वाँया खेती यायेगु यानाच्वंगु छम्ह किसानं जानकारी ब्यूगु दु ।
फुक्कसिनं साउननिसें ग्वय् स्वाँया माला तयार यानाः छेँय्या सिचूगु थासय् तयेगु याइ । तीन हजार ग्वय् स्वाँ मा हनाः मियादीम्ह किसान सरिता कुँवरं धयादिल - ुग्वय् स्वाँ माः मालेत व्यापारी वयेन्ह्यः हे न्हापां हे तयार याःगु खः स्वन्तिया इलय् लिमलाःफमलाः हथासं बुँइ स्वाँ पियाः स्वाँमाः हनेत तकं बाध्यता जूगु खः ।

वय्कलं छगू रोपनी जग्गाय् स्वाँ पिनागु जानकारी बियादीगु खः । वय्कलं वंगु दँ नौ आना जग्गाय् स्वाँया खेती यानाः रु ४८ हजार कमय् याःगु खःसा थुगु दँ रु एक लाख स्वयाः आपालं आम्दामी जूगु जानकारी बियादिल ।
वंगु दँ छेँय्पाखें हे रु. १२ तकां म्यूगु माला थुगु दँ म्होिनं रु. १५ निसें २० तका धेबां मियागु किसान पवित्रा बस्नेतं धयादिल । वय्कलं थ्वहे मूल्यय् एक हजार १०० माला पोखराया व्यवसायीतय्त म्यूगु खःसा स्थानीय व्यापारीतय्त नापं माला मिइ मफुत ।
पार्वती नगरकोटीं नं एक रोपनी जग्गाय् प्यूगु स्वाँया एक हजार ६०० माला हनाः म्यूगु खः । थनया छगू परिवारं छगू स्वन्तिया इलय् न्यूनतम् नं रु। ४० हजार कमय् याइसा अप्वलय् रु। डेढ लाखतक्कया माला मिइगु यानाच्वनागु वय्कःिपंसं जानकारी बियादीगु दु ।
फागुनय् नस्ररी तयाः चैतया लिपांगु इलय् कःनि व मुस्यालिसे ग्वय् स्वाँया बेर्ना नं पिइगु याइ । कःनि व मुस्यालिसे चैतया लिपांगु इलय् प्यूगु स्वाँ असारया लिपांगु इलय् थ्वयेगु ज्या न्ह्याइ - मेनुका नगरकोटीं धयादिल ।
स्थानीय विकास कोषया सहजकर्ता सुनिता रिसालं गुन्डुइ जक २०० रोपनी स्वयाः आपालं क्षेत्रफलय् स्वाँमा पिनागु जानकारी बियादिल । पूरा हे गाँपाखें छगू स्वन्तिया इलय् म्होिनं रु। तीन करोड तका स्वयाः आपालं कारोबार जुइगु यानाच्वंगु नं धयादिल ।
जिल्ला विकास समितिया स्थानीय विकास कोषं साचालन याःगु गाँ विकास ज्याभुवः अन्तर्गत गुन्डुइ सामुदायिक संस्थापाखें स्वाँ खेतीयात प्रवद्र्धन व उत्पादनय् ग्वाहालि याःगु जानकारी बियादिल ।
कोषं खेती यायेत तालिम बिइगुया लिसलिसे ऋण बियाः ग्वाहालि याःगु कोषया संयोजक राजन शर्मां जानकारी बियादिल । जिमिसं अर्गानिक मल उपलब्ध यानाःगु दु स्वाँसं लाइगु ल्वय् गुकथं समाधान यायेगु गुकथं पिइगु लगायतया तालिम बियाःगु दु । न्हापा घरायसी प्रयोगया निितं पिइगु यानाच्वंसां नं आः व्यावसायिकरुपं खेती यायेत्यंगु खः । खेती याःगुया म्हो इलय् हे उचित आम्दानी दयेवं अ अप्वः स्वाँया खेती यायेत तिबः ब्यूगु किसानतय्सं धयादिल ।

More Stories Like this