टोक्यो शहरय् न्हूदँ तःजिक हन
नेपाःया राष्ट्रिय संवत् नेपाल संवत् ११३१ न्हूदँ खुन्हु जापानया टोक्यो शरहय् नं तःजिक िभंतुना कालबिल ज्याझ्वः यात । जापानया निितं नेपाःया राजदूत डा. गणेश योाजन तामाङ मूपाहां जुयादीगु उगु ज्याझ्वलय् थीथी ख्यःया मनूतय्सं ब्वति कयादीगु खः । मूपाहां तामाङं नेपाल सरकारं नेपाःया राष्ट्रिय संवत्या रुपय् नेपाल संवत्यात मान्यता जक बियां मगाः ब्यवहारय् लागू यानाः यंकेमाः धकाः धयादीगु खः । वय्कलं उकिया निितं नेपालय् च्वनाच्वंिपं नेपाःमि नापं थीथी देशय् च्वनाच्वंिपं नेपाःमिपिन्सं नं बहः बिइमाः धकाः नं धयादिल ।
उगु ज्याझ्वलय् वल्र्ड नेवाः अर्गनाइजेशनया प्रतिनिधि सुवन वज्राचार्यं नेपाल संवतया महत्वयात कयाः न्वंवानादीगु खः । वय्कलं नेपाः व नेपाःमिया म्हसीका पिब्वयाच्वंगु नेपाल संवतया थीथी पक्ष नापं नेवाःतय्सं म्हिता वयाच्वंगु भूमिकाया बारे न्वंवानादीगु खः ।
ज्याझ्वलय् नेपाल आदिवासी जनजाति महासंघ टोक्योया नायः ध्रब भट्टचनं नेपाल संवत्यात कयाः न्वंवासे िभंतुना बियादीगु खः ।
